ଲକ୍ଷ୍ନୌ,୨୫ା୯: ଉତ୍ତରପ୍ରଦେଶର ଜଣେ ନାବାଳିକାଙ୍କୁ ବଳାତ୍କାର ଏବଂ କୋଝିକୋଡ ରେଳ ଷ୍ଟେଶନରେ ଛାଡ଼ିବା ଉଦ୍ୟମ ଅଭିଯୋଗରେ ୪ ଯୁବକଙ୍କୁ ଗିରଫ କରାଯାଇଛି। ଜଣେ ୧୬ ବର୍ଷୀୟା ନବାଳିକାଙ୍କର ୪ ଯୁବକଙ୍କ ସହ ଯୁକ୍ତିତର୍କ ହେଉଥିବା ଆର୍ପିଏଫ୍ ଦେଖିବା ପରେ ଘଟଣା ସାମ୍ନାକୁ ଆସିଥିଲା। ପରେ ଆରପିଏଫ୍ କସବା ପୋଲିସ ଷ୍ଟେଶନକୁ ସତର୍କ କରାଇଥିଲା ଏବଂ କର୍ମଚାରୀମାନେ ଅଭିଯୁକ୍ତଙ୍କ ଗିରଫଦାରୀକୁ ରେକର୍ଡ କରିଥିଲେ।
ଗିରଫ ବ୍ୟକ୍ତିଙ୍କ ନାମ ଇକାରାର ଆଲାମ (୧୮), ଅଜାଜ (୨୫), ଶକିଲ ଶାହା (୪୨) ଏବଂ ଇରଶାଦ (୨୩) ବୋଲି ଜଣାପଡ଼ିଛି। ସମସ୍ତ ଅଭିଯୁକ୍ତ ମଧ୍ୟ ଉତ୍ତରପ୍ରଦେଶର।
ପୋଲିସ ସୂଚନାନୁସାରେ, ଅଭିଯୁକ୍ତ କୋଝିକୋଡ ଅଭିମୁଖେ ଟ୍ରେନ୍ରେ ଯିବା ସମୟରେ ଉକ୍ତ ନାବାଳିକାଙ୍କୁ ଭେଟିଥିଲେ। ସେମାନେ ତାଙ୍କ ସହ କଥା ହେବା ପରେ ଗୁରୁବାର ତାଙ୍କୁ ପାଲାକଡ ରେଳ ଷ୍ଟେଶନରେ ଓହ୍ଲାଇବାକୁ କହିବା ପରେ ତାଙ୍କୁ ପାଲାୟମ ବସ୍ଷ୍ଟାଣ୍ଡ ନିକଟରେ ଥିବା ସେମାନଙ୍କ କ୍ୟାମ୍ପକୁ ନେଇଥିବାର ଅଭିଯୋଗ ହୋଇଛି।
ପୋଲିସ କହିଛି, ଝିଅଟି ତାଙ୍କ ଭଉଣୀଙ୍କୁ ଭେଟିବା ପାଇଁ ଚେନ୍ନାଇ ଅଭିମୁଖେ ଯାଉଥିଲେ। ବିବାହ ପ୍ରତିଶ୍ରୁତି ଦେବା ପରେ ଅଭିଯୁକ୍ତ ତାଙ୍କୁ ବସ୍ ଯୋଗେ କୋଝିକୋଡକୁ ନେଇଥିବାର ପୋଲିସ ସନ୍ଦେହ କରୁଛି।
ଝିଅଟି ତାଙ୍କ ଘରୁ ନିଖୋଜ ହୋଇଯାଇଥିଲେ। ଉତ୍ତରପ୍ରଦେଶର ବିର୍ନୋ ଥାନାରେ ଏକ ମାମଲା ରୁଜୁ କରାଯାଇ ତାଙ୍କୁ ଟ୍ରାକ୍ ପାଇଁ ଉଦ୍ୟମ କରାଯାଇଥିଲା। ପରେ ନାବାଳିକାଙ୍କୁ ଭେଲିମାଡୁକୁନୁ ସରକାରୀ ପର୍ଯ୍ୟବେକ୍ଷଣ ଗୃହକୁ ସ୍ଥାନାନ୍ତର କରାଯାଇଥିଲା। ଏନେଇ ପୋଲିସ ଏକ ପୋକ୍ସୋ ଆକ୍ଟରେ ମାମଲା ରୁଜୁ କରି ଅଧିକ ତଦନ୍ତ ଚଳାଇଛି।