ହଲୋଲ,୨୯।୬: ଗୁଜରାଟର ହଲୋଲ ସ୍ଥିତ ଏକ ଇଣ୍ଡଷ୍ଟ୍ରିଆଲ ଅଞ୍ଚଳରେ ଗୁରୁବାର ଲଗାଣ ବର୍ଷା ଫଳରେ ଏକ ଫ୍ୟାକ୍ଟ୍ରିର ପାଚେରି ଅସ୍ଥାୟୀ ତମ୍ବୁ ଉପରେ ପଡିଯିବାରୁ ୪ ଶିଶୁଙ୍କ ମୃତ୍ୟୁ ହୋଇଥିବା ଜଣାପଡିଛି। ସମସ୍ତ ଶିଶୁଙ୍କ ବୟସ ୫ ବର୍ଷରୁ କମ। ଏହି ଘଟଣାରେ ଅନ୍ୟ ୫ ଜଣ ଆହତ ହୋଇଛନ୍ତି। ପୋଲିସ ପକ୍ଷରୁ ଏହି ସୂଚନା ଦିଆଯାଇଛି।
ସୂଚନାଯୋଗ୍ୟ, ପିଡିତ ପରିବାର ମଧ୍ୟ ପ୍ରଦେଶର ଧାର ଜିଲାର ବାସିନ୍ଦା। ଏମାନେ ହଲୋଲ ଅଞ୍ଚଳରେ ଚନ୍ଦ୍ରପୁରା ଗାଁରେ ଏକ ରାସାୟନିକ ଫ୍ୟାକ୍ଟ୍ରି ନିକଟରେ ଏକ ନିର୍ମାଣସ୍ଥଳିରେ ମଜୁରିଆ ଭାବେ କାମ କରୁଥିଲେ।