ପାପଡ଼ାହାଣ୍ଡି,୨୦।୫(ଡି.ଏନ୍.ଏ.): ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ଅଧୀନ ୨୬ ନମ୍ବର ଜାତୀୟ ରାଜପଥ ଝିଟକୁଗୁଡା ନିକଟରେ ଶୁକ୍ରବାର ଏକ କାର ଦୁର୍ଘଟଣାଗସ୍ତ ହୋଇ ଓଲଟି ପଡିଥିଲା। ଫଳରେ ଗୋଟିଏ ପରିବାର ୪ଜଣ ଆହତ ହୋଇଛନ୍ତି। ସେମାନେ ହେଲେ ସୁନାବେଢାର ଭୁବନାନନ୍ଦ ନାୟକ, ତାଙ୍କର ସ୍ତ୍ରୀ ଜୟନ୍ତୀ ନାୟକ ଏବଂ ୨ ଝିଅ ଅଭିପ୍ସା ଏବଂ ଅନିଷ୍କା।
ଭୁବନାନନ୍ଦ ରାଉରକେଲାରୁ ପରିବାର ଲୋକଙ୍କୁ ଧରି ଏକ କାର(ନଂ.ଓଡି୧୪ୟୁ-୬୨୩୦) ଯୋଗେ ଆସୁଥିଲେ। ହେଲେ ତାଙ୍କ ଆଖି ଲାଗି ଯିବାରୁ ଝିଟକୁଗୁଡ଼ା ନିକଟରେ କାରଟି ଭାରସାମ୍ୟ ହରାଇ ଓଲଟି ପଡିଥିଲା। ସ୍ଥାନୀୟ ଲୋକ ତାଙ୍କୁ ଉଦ୍ଧାର କରିଥିଲେ। ହେଲେ ଅଟୋ ଚାଳକ ନରହରି ହରିଜନ ମାନବିକତା ଦେଖାଇ ଆହତ ସମସ୍ତଙ୍କୁ ପାପଡାହାଣ୍ଡି ଡାକ୍ତରଖାନାରେ ଭର୍ତ୍ତି କରିଥିଲେ। ପରେ ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
