କୋଲକାତା,୨।୧୨: ପଶ୍ଚିମବଙ୍ଗର ହୁଗ୍ଲି ଜିଲା ଅଧୀନ ସିଙ୍ଗୁର ଅଞ୍ଚଳରେ ଗୋଟିଏ ପରିବାରର ୪ ଜଣଙ୍କୁ ଗୁରୁବାର ସକାଳେ ତାଙ୍କର ଜଣେ ସମ୍ପର୍କୀୟ ହତ୍ୟା କରିଥିବା ଅଭିଯୋଗ ହୋଇଛି। ସମ୍ପତ୍ତି କିମ୍ବା ଟଙ୍କାକୁ ନେଇ ନନ୍ଦବଜାର ଅଞ୍ଚଳର ପଟେଲ ପରିବାରର ୪ ଜଣଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି। ମୃତକ ହେଲେ ଦିନେଶ ପଟେଲ(୫୦), ତାଙ୍କ ସ୍ତ୍ରୀ ଅନସୂୟା(୪୫), ଦିନେଶଙ୍କ ବାପା ମାଭଜି(୮୦) ଏବଂ ପୁଅ ଭାବିକ (୨୩)। ସେମାନଙ୍କୁ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ସ୍ଥାନୀୟ ଲୋକେ ପୋଲିସ ସହାୟତାରେ ହସ୍ପିଟାଲ ନେଇଥିଲେ। ସେଠାରେ ଦିନେଶ ଓ ତାଙ୍କ ସ୍ତ୍ରୀଙ୍କୁ ମୃତ ଘେଷଣା କରାଯାଇଥିବା ବେଳେ ଏସ୍ଏସ୍କେଏମ୍ରେ ଚିକିତ୍ସିତ ହେଉଥିବା ଅନ୍ୟ ଦୁଇଜଣଙ୍କ ଅପରାହ୍ନରେ ମୃତ୍ୟୁ ଘଟିଛି। ପୋଲିସ ଅଭିଯୁକ୍ତଙ୍କୁ ଖୋଜୁଛି।