ମୁମ୍ବାଇ, ୧୮।୮: ଦେଶର ଆର୍ଥିକ ସହର ବଲିଉଡ୍ର ବାନ୍ଦ୍ରାଠାରେ ଏକ ଅଭାବନୀୟ ଘଟଣା ଘଟିଛି। ଏଠାରେ ଏକ ୪ ମହଲା କୋଠାଘର ଭୁଶୁଡ଼ି ପଡ଼ିଛି। କୋଠାଘରେ କେହି ରହୁ ନ ଥିଲେ। ତେବେ ଏହା ନିକଟସ୍ଥ ବିଲ୍ଡିଂ ଉପରେ ପଡ଼ିବାରୁ ଏହା କ୍ଷତିଗ୍ରସ୍ତ ହୋଇଛି। ବିଲ୍ଡିଂରେ ଥିବା ୧୬ ଜଣ ଲୋକଙ୍କୁ ସୁରକ୍ଷିତ ଉଦ୍ଧାର କରାଯାଇଛି। ସେମାନଙ୍କ ମଧ୍ୟରୁ ୨ ଜଣ ଗୁରୁତର ଭାବେ ଆହତ ହୋଇଥିବା ପୋଲିସ ପକ୍ଷରୁ ସୂଚନା ଦିଆଯାଇଛି। ସେମାନଙ୍କୁ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି। ସେମାବାର ରାତି ୮ଟା ହଠାତ୍ କୋଠାଘରଟି ଭୁଶୁଡ଼ି ପଡ଼ିଥିଲା। କ୍ଷତିଗ୍ରସ୍ତ ହୋଇଥିବା ନିକଟସ୍ଥ ବିଲ୍ଡିଂରେ ଥିବା ରିପ୍ୟାରିଙ୍ଗ୍ ଦୋକାନରେ ସେତେବେଳେ ୧୩ ଜଣ ଲୋକ ଥିଲେ। ସେହିପରି ଏଠାରେଥିବା ଏକ ସେଲୁନ୍ରେ ୩ ଜଣ ଥିଲେ। ୭ ଜଣ ଲୋକ ଦୌଡ଼ି ବାହାରକୁ ପଳାଇ ଆସିଥିଲେ। ପରେ ସ୍ଥାନୀୟ ଲୋକ ଏବଂ ଉଦ୍ଧାକାରୀ ଦଳଙ୍କ ସହଯୋଗରେ ଅନ୍ୟମାନଙ୍କୁ ବାହାର କରାଯାଇଥିଲା। ଲଗାତାର ବର୍ଷା ଯୋଗୁ କୋଠାଘରଟି ଭାରସାମ୍ୟ ହରାଇ ଭୁଶୁଡ଼ି ପଡ଼ିଥିବା କୁହାଯାଉଛି।