ବର୍ଷ ୨୦୨୦ର ଶେଷ ମାସ ଅର୍ଥାତ ଡିସେମ୍ବର ଆରମ୍ଭ ହୋଇଛି। ଅନେକ ରାଶି ପାଇଁ ଏହି ମାସଟି ଖାସ ରହିବ। ବିଶେଷକରି କର୍କଟ, ସିଂହ, ମକର ଏବଂ ମୀନ ରାଶିର ବ୍ୟକ୍ତିବିଶେଷ ଧନଲାଭର ସୁଯୋଗ ପାଇବେ। ହେଲେ ଅନ୍ୟ ରାଶି ଏହି ମାସରେ ଖର୍ଚ୍ଚାନ୍ତ ହେବେ। ଏଣୁ ସେମାନଙ୍କୁ ଦେଖିଚାହିଁ ଖର୍ଚ୍ଚ କରିବାକୁ ପଡ଼ିପାରେ।
ମେଷ: ଏହି ରାଶିର ବ୍ୟକ୍ତିବିଶେଷଙ୍କୁ ଆର୍ଥିକ କ୍ଷେତ୍ରରେ ସଫଳତା ପାଇବାର ସମ୍ଭାବନା ଅଧିକ। ନୂତନ ଆୟର ଉତ୍ସ ସୃଷ୍ଟି ହେବ। ନୂଆ ଚାକିରିରେ ଭଲ ଦରମା ମିଳିପାରିବ। ଜରୁରୀ କାର୍ଯ୍ୟରେ ଧନ ଖର୍ଚ୍ଚ ହୋଇପାରେ। ସମ୍ପର୍କୀୟ କିମ୍ପା ବନ୍ଧୁଙ୍କ ବିବାହରେ ଟଙ୍କା ଖର୍ଚ୍ଚ ହେବାର ସମ୍ଭାବନା ରହିଛି। ତଥାପି ଏହି ମାସରେ ଆପଣଙ୍କର ଭଲ ଆୟ ହେବ।
କର୍କଟ: ଏହି ରାଶିର ବ୍ୟକ୍ତିବିଶେଷଙ୍କୁ ଆର୍ଥିକ ଦିଗ ବିଷୟରେ ଚିନ୍ତା କରିବାକୁ ପଡ଼ିବ ନାହିଁ। କାରଣ ଡିସେମ୍ବରରେ ଗ୍ରହ ନକ୍ଷତ୍ର ଆପଣଙ୍କୁ ସମର୍ଥନ କରିବ। ଆର୍ଥିକ ଦିଗ ଶକ୍ତିଶାଳି ହେତୁ କିଛି ବିନିଯୋଗ ମଧ୍ୟ କରିପାରିବେ। ବ୍ୟବସାୟୀ ଇଚ୍ଛାକୃତ ଫଳ ପାଇବେ। ବାକି ଟଙ୍କା ଫେରସ୍ତ ପାଇବେ। ଏହାଛଡ଼ା ଯଦି ବ୍ୟବସାୟୀ ନୂଆ କିଛି ଆରମ୍ଭ କରିବାକୁ ଚିନ୍ତା କରିଛନ୍ତି ତେବେ ସେଥିରେ ସଫଳ ହେବେ।
ସିଂହ: ଏହି ରାଶିର ବ୍ୟକ୍ତିବିଶେଷ ଟଙ୍କା ସଞ୍ଚୟ କରିବେ। ଦୈନନ୍ଦିନ ଖର୍ଚ୍ଚ ପାଇଁ ଜୀବନସାଥୀଙ୍କ ସହଯୋଗ ମିଳିବ। ନିୟମିତ ଆୟ ଛଡ଼ା ଅନ୍ୟ ଆୟ ମଧ୍ୟ ମିଳିବ। ଖର୍ଚ୍ଚ ଅଧିକ ହେବ ନାହିଁ। ତେବେ ଏହି ମାସରେ କୌଣସି ବନ୍ଧୁ ଅଥବା ସମ୍ପର୍କୀୟଙ୍କୁ ଆର୍ଥିକ ସାହାଯ୍ୟ କରିପାରନ୍ତି।
ମକର: ନିଜର ଆର୍ଥିକ ସ୍ଥିତିକୁ ସୁଧାରିବାକୁ ଚେଷ୍ଟା କରିଥିଲେ ନିହାତି ଶୁଭଫଳ ପାଇବେ। ଡିସେମ୍ବରମାସରେ ଅଧିକ ଧନ ପ୍ରାପ୍ତିର ସୁଯୋଗ ରହିଛି। ତେବେ ଖର୍ଚ୍ଚ ମଧ୍ୟ ବଢ଼ିବ। ଜୀବନସାଥୀଙ୍କ ନୂଆ ବ୍ୟବସାୟ କିମ୍ବା ଚାକିରି ଯୋଗୁ ଆର୍ଥିକ ସ୍ଥିତି ମଜଭୂତ ହେବ। ବିନିଯୋଗ କରିଥିବା ଟଙ୍କାରେ ଲାଭ ପାଇବେ।
ମୀନ: ଏହି ରାଶିର ବ୍ୟକ୍ତିବିଶେଷ ଡିସେମ୍ବର ମାସରେ ସଞ୍ଚୟ କରିବାକୁ ସମର୍ଥ ହେବେ। ଅତୀତରେ କରିଥିବା ବିନିଯୋଗ ଲାଗି ଲାଭ ପାଇବାର ଆଶା ରହିଛି। ସରକାରୀ ଖାତାରେ ଅଟକି ରହିଥିବା ଟଙ୍କା ଫେରିପାରିବେ। ନୂତନ କାମ ଆରମ୍ଭ କରିବାକୁ ଚିନ୍ତା କରୁଥିଲେ, ବାପାଙ୍କଠାରୁ ସାହାଯ୍ୟ ମିଳିପାରେ।