ବର୍ତ୍ତମାନ ସମୟରେ ଲୋକେ ସୋସିଆଲ ମିଡିଆରେ ଅଧିକ ସକ୍ରିୟ ରହୁଛନ୍ତି। ଏହି ସମୟରେ ମଧ୍ୟ ସୋସିଆଲ ମିଡିଆର ଚାହିଦା ବଢ଼ିଥିବା ବେଳେ ଭାଇରାଲ ହେଉଥିବା ଫଟୋ ଓ ଭିଡିଓକୁ ନେଇ ଚର୍ଚ୍ଚା ଜୋର ଧରୁଛି। ବର୍ତ୍ତମାନ ସେଭଳି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏଥିରେ ଏକ କୋକିଶିଆଳି ଗଭୀର ଗାତରେ ପଡ଼ିଯାଇଥିବା ବେଳେ ସେଥିରୁ ବାହାରିବାକୁ ଚେଷ୍ଟା କରି ବିଫଳ ହେଉଛି। ପରେ ଜଣେ ବ୍ୟକ୍ତି ଗାତକୁ ଏକ ଦଉଡ଼ି ପକାଉଛନ୍ତି। ଯାହାକୁ ଦେଖି ଭୟରେ କୋକିଶିଆଳି ବାରମ୍ଭାର ଡେଇଁବାକୁ ଚେଷ୍ଟା କରି ତଳେ ପଡ଼ୁଛି। ପରେ ସେହି ଦଉଡ଼ି ଧରି ବାହାରକୁ ବାହାରୁଛି। ଏହି ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଭାଇରାଲ ହେବାରେ ଲାଗିଛି।