ନୂଆଦିଲ୍ଲୀ: ଦେଶର ପୁଞ୍ଜି ବଜାରରେ ବିଦେଶୀ ପୋର୍ଟଫୋଲିଓ ନିବେଶକ(ଏଫ୍ପିଆଇ) ୮ ହଜାର କୋଟି ଟଙ୍କାର ନିବେଶ କରିଛନ୍ତି। ଗତ ୪ କାରବାର ସେସନରେ ଏଭଳି ନିବେଶ ହୋଇଛି। କୋଭିଡ୍ ମାମଲା କମିବା ଏବଂ କର୍ପୋରେଟଗୁଡିକର ଲାଭ ଉନ୍ନତ ହେବା ଯୋଗୁ ଏହି ବର୍ଗରେ ନିବେଶକଙ୍କ ମନୋଭାବ ସକାରାତ୍ମକ ରହିଛି। ମେ ମାସରେ ଏହି ନିବେଶକମାନେ ୨୯୫୪ କୋଟି ଏବଂ ଏପ୍ରିଲରେ ୯୬୫୯ କୋଟି ଟଙ୍କାର ନେଟ ଉଠାଣ କରିଥିଲେ ବୋଲି ଡିପୋଜିଟୋରୀ ଡାଟାରୁ ସାମ୍ନାକୁ ଆସିଛି। ଜୁନ୍ ପହିଲାରୁ ୪ ତାରିଖ ଯାଏ ଏଫ୍ପିଆଇ ମୋଟ ୭୯୬୮ କୋଟି ନିବେଶ କରିଛନ୍ତି।