ବର୍ଲିନ,୨୯।୧୦: କରୋନା ସଂକ୍ରମିତଙ୍କ ସଂଖ୍ୟା ବଢ଼ୁଥିବାରୁ ଦ୍ୱିତୀୟ ଥର ପାଇଁ ଜର୍ମାନୀ ଏବଂ ଫ୍ରାନ୍ସରେ ଲକ୍ଡାଉନ ଘୋଷଣା କରାଯାଇଛି। ଫ୍ରାନ୍ସ ରାଷ୍ଟ୍ରପତି ଏମାନୁଏଲ ମାକ୍ରୋନ ଏବଂ ଜର୍ମାନୀ ଚାନସେଲର ଆଞ୍ଜେଲା ମୋର୍କେଲ ନିଜ ନିଜ ଦେଶରେ ଲକଡାଉନ ଘୋଷଣା କରିଛନ୍ତି। କରୋନା ମାମଲା ପୁଣି ଥରେ ଦ୍ରୁତ ଗତିରେ ବଢୁଥିବାରୁ ଦ୍ୱିତୀୟ ଥର ପାଇଁ ଆମେ ସମସ୍ତେ କରୋନାକୁ ସାମ୍ନା କରିବାକୁ ଯାଉଛୁ ବୋଲି ଫ୍ରାନ୍ସର ରାଷ୍ଟ୍ରପତି ଏମାନୁଏଲ ମାକ୍ରୋନ କହିଛନ୍ତି। ଏହି କାରଣରୁ ଲୋକମାନେ ଜରୁରୀ କାମ ପାଇଁ କେବଳ ବାହାରକୁ ଆସିପାରିବେ ନଚେତ୍ ଘରୁ ରହି କାମ କରିବେ ବୋଲି ସେ କହିଛନ୍ତି। ସେହିପରି ଜର୍ମାନୀରେ ନଭେମ୍ବର ୨-୩୦ରୁ ବାର, ରେଷ୍ଟୁରାଣ୍ଟ ଏବଂ ସିନେମା ହଲ ବନ୍ଦ କରାଯାଇଛି
ଜର୍ମାନୀର ରୋଗ ନିୟନ୍ତ୍ରଣ ଏଜେନ୍ସି କହିଛି ଯେ ବିଗତ ଦିନରେ ସାରା ଦେଶରେ ୧୪,୯୬୪ ଟି ନୂଆ କରୋନା ମାମଲା ରେକର୍ଡ କରାଯାଇଛି। ଫଳରେ କରୋନା ସଂକ୍ରମିତଙ୍କ ସଂଖ୍ୟା ମୋଟ ୪,୪୯,୨୭୫ରେ ପହଞ୍ଚିଛି। ସେହିପରି ମୋଟ ମୃତ୍ୟୁ ସଂଖ୍ୟା ୧୦,୦୯୮କୁ ବୃଦ୍ଧି ପାଇଛି। ଫ୍ରାନ୍ସରେ ଏପର୍ଯ୍ୟନ୍ତ ୧୨, ୩୫,୧୩୨ ଜଣ କରୋନା ଆକ୍ରାନ୍ତ ହୋଇଛି। ସେଥିମଧ୍ୟରୁ ୩୫,୭୮୫ ଜଣଙ୍କ ମୃତ୍ୟୁ ଘଟିଛି।