ଅନେସି,୮।୬: ଫ୍ରାନ୍ସର ଅନେସି ସହରରେ ଏକ ପାର୍କରେ ପିଲାମାନଙ୍କ ଉପରେ ଜଣେ ଅଜଣା ବ୍ୟକ୍ତି ଛୁରାମାଡ କରିଥିବା ଜଣାପଡିଛି। ଏହି ଘଟଣାରେ ୪ଜଣ ଶିଶୁଙ୍କ ସମେତ ୫ ଜଣ ଆହତ ହୋଇଥିବା କୁହାଯାଇଛି। ଫ୍ରାନ୍ସ ପୋଲିସ ଦେଇଥିବା ସୂଚନାଅନୁଯାୟୀ ଆକ୍ରମଣକାରୀଙ୍କୁ ଗିରଫ କରାଯାଇଛି। ଜଣେ ଅଧିକାରୀ କହିଛନ୍ତି ଯେ ଏହି ଘଟଣା ଅମାନବୀୟ ଏବଂ ଏହାର ତଦନ୍ତ କରାଯାଉଛି। ଏହି ସମୟରେ ଫ୍ରାନ୍ସର ପ୍ରଧାନମନ୍ତ୍ରୀ ଏଲିଜାବେଥ ବୋର୍ନ ମଧ୍ୟ ଘଟଣାସ୍ଥଳକୁ ଯାଇଥିଲେ।
ଏହାପୂର୍ବରୁ ଜାନୁୟାରୀରେ ପ୍ୟାରିସ ରେଳ ଷ୍ଟେସନରେ ଛୁରାମାଡ଼ରେ ଅନେକ ଲୋକ ଆହତ ହୋଇଥିଲେ। ଏହି ସମୟରେ ପୋଲିସ ଗୁଳି ଚଳାଇବାକୁ ପଡୁଥିଲା ଯେଉଁଥିରେ ଆକ୍ରମଣକାରୀ ଆହତ ହୋଇଥିଲେ। ଏହି ଆକ୍ରମଣରେ ଅନେକ ଲୋକ ଆହତ ହୋଇଥିବା ପୋଲିସ କହିଛି। ଫ୍ରାନ୍ସର ଆଭ୍ୟନ୍ତରୀଣ ମନ୍ତ୍ରୀ ଜେରାର୍ଡ ଡାରମେନିନ କହିଛନ୍ତି ଯେ ଆକ୍ରମଣକାରୀଙ୍କୁ ହତ୍ୟା କରାଯାଇଛି।
