ମୁଖ୍ୟମନ୍ତ୍ରୀ ଯୋଗୀଙ୍କୁ ୨୪ ଘଣ୍ଟା ଭିତରେ ଫ୍ରାନ୍ସକୁ ପଠାଯାଉ: ୟୁରୋପୀୟ ଡାକ୍ତରଙ୍କ ଦାବି

ପ୍ୟାରିସ/ଲକ୍ଷ୍ନୌ,୧।୭: ଫ୍ରାନ୍ସରେ ଏକ ନାବାଳକକୁ ପୋଲିସ ଗୁଳି କରି ହତ୍ୟା କରିବା ପରେ ସହରରେ ଯୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇଛି। ଏହି ଦଙ୍ଗାରେ ଏପର୍ଯ୍ୟନ୍ତ ୮୭୫ ଜଣଙ୍କୁ ଗିରଫ କରାଯାଇଥିବା ବେଳେ ପ୍ରାୟ ୫୦୦ ଘର ନଷ୍ଟ ହୋଇଯାଇଛି। ଏହି ସମୟରେ ୟୁରୋପର ଜଣାଶୁଣା ଡାକ୍ତର ତଥା ପ୍ରଫେସର ଏନ. ଜୋନ କ୍ୟାମ ଭାରତକୁ ଏକ ଦାବି କରି ଟୁଇଟ୍‌ କରିଛନ୍ତି। ସେ କହିଛନ୍ତି ଯେ ଫ୍ରାନ୍ସରେ ଦଙ୍ଗାର ପରିସ୍ଥିତିର ମୁକାବିଲା ପାଇଁ ଭାରତ ମୁଖ୍ୟମନ୍ତ୍ରୀ ଯୋଗୀଙ୍କୁ ପଠାଇବା ଉଚିତ୍‌।

ୟୁରୋପୀୟ ଡାକ୍ତର କହିଛନ୍ତି, ଭାରତ ୨୪ଘଣ୍ଟା ମଧ୍ୟରେ ସିଏମ ଯୋଗୀଙ୍କୁ ପଠାଇବା ଉଚିତ୍‌। ଏହା ବ୍ୟତୀତ ପ୍ରଫେସର ଏନ. ଜୋନ କ୍ୟାମବୁଲଡୋଜର ସହିତ ସିଏମ ଯୋଗୀଙ୍କ ଏକ କାର୍ଟୁନ ଫଟୋ ପୋଷ୍ଟ କରି ଏନ.ଜନ କ୍ୟାମ ଲେଖିଛନ୍ତି, ଭାରତକୁ ଶାସନ କରିବା ଏବଂ ଆଇନ ଶୃଙ୍ଖଳା ବଜାୟ ରଖିବା ପାଇଁ ଏହା ହେଉଛି ଏକମାତ୍ର ଉପାୟ। ବାକି ସବୁକିଛି ନିରର୍ଥକ ।

ଗତ କିଛି ଦିନ ଧରି ଫ୍ରାନ୍ସ ଦଙ୍ଗାର ସମ୍ମୁଖୀନ ହୋଇଛି। ଏଥିପାଇଁ ଫ୍ରାନ୍ସରେ ହୋଇଥିବା ଦଙ୍ଗାର ମୁକାବିଲା ପାଇଁ ବହୁ ସଂଖ୍ୟକ ପୋଲିସ କର୍ମଚାରୀଙ୍କୁ ନିୟୋଜିତ କରାଯାଇଛି। ଫ୍ରାନ୍ସର ଗୃହମନ୍ତ୍ରୀ ଜେରାଲ୍ଡ ଡାରମୋନିନ ବ୍ରଡକାଷ୍ଟର ଟିଏଫ୧କୁ କହିଛନ୍ତି ଯେ, ବର୍ତ୍ତମାନର ପରିସ୍ଥିତିର ମୁକାବିଲା ପାଇଁ ସରକାର ଶୁକ୍ରବାର ସାରେ ୪୫ ହଜାର ପୋଲିସ କର୍ମଚାରୀଙ୍କୁ ନିୟୋଜିତ କରିଛନ୍ତି।