ଫ୍ରାନ୍ସ: ସୋସିଆଲ ମିଡିଆରେ ଅନେକ ସମୟରେ କିଛି ନା କିଛି ଭିଡିଓ ଭାଇରାଲ ହେଉଥିବା ଆମେ ଦେଖିଥାଉ। ଏବେ ଏମିତି ଏକ ଭିଡିଓ ଭାଇରାଲ ହୋଇଛି, ଯାହାକୁ ଦେଖିବା ପରେ ହୋସ୍ ଉଡିଯିବ। ଫ୍ରାନ୍ସରେ ଅଗ୍ନିକାଣ୍ଡ ଘଟିଥିବା ଏକ ଆପାର୍ଟମେଣ୍ଟର ତୃତୀୟ ମହଲା ଝରକାରୁ ୨ ଭାଇ ଡେଇଁପଡ଼ିଛନ୍ତି। ଏହାପରେ ମଧ୍ୟ ଉଭୟ ସୁରକ୍ଷିତ ଅଛନ୍ତି।
ଘଟଣାଟି ହେଲା, ଗ୍ରେନୋବଲ ସହରର ଏକ ଆପାର୍ଟମେଣ୍ଟରେ ୩ ଏବଂ ୧୦ ବର୍ଷର ୨ ଭାଇ ରହୁଥିଲେ। ମା’ବାପା ସେମାନଙ୍କୁ ଏକ ରୁମ୍ରେ ବନ୍ଦକରି ବାହାରକୁ ଯାଇଥିଲେ। ତେବେ ହଠାତ୍ ଉକ୍ତ ଆପାଟମେଣ୍ଟରୁ ନିଆ ବାହାରିଥିଲା। ଫଳରେ ଅନ୍ୟୋପାୟ ହୋଇ ବଡ଼ ଭାଇ ପ୍ରଥମେ ସାନ ଭାଇକୁ ଘରର ଝରକାରୁ ବାହାରକୁ ଠେଲିଦେଇଥିଲେ। ପରେ ନିଜେ ତଳକୁ ଡେଇଁ ପଡ଼ିଥିଲେ। ତେବେ ବିଲ୍ଡିଂ ତଳେ ଛିଡ଼ା ହୋଇଥିବା ଉଦ୍ଧାରକାରୀ ଦଳର ଜଣେ ସେନା ସେମାନଙ୍କୁ ଧରି ପକାଇଥିଲେ। ଫଳରେ ୨ ଭାଇ ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି। ସେମାନଙ୍କୁ ଟିକେ ହେଲେ ଆଘାତ ଲାଗି ନ ଥିବା ଜଣାପଡ଼ିଛି।
