ପରିବାରରେ ଅନିଷ୍ଠ ହେବା ଭୟ ଦେଖାଇ ମହିଳାଙ୍କଠାରୁ ଦୁର୍ବୃତ୍ତ ଲୁଟିନେଲେ ସୁନା ଅଳଙ୍କାର

ଦେବଗଡ଼,୧୮ା୭(ଶଶାଙ୍କ ଶେଖର ଝାଙ୍କର): ପରିବାରରେ ଅନିଷ୍ଠ ହେବା ଭୟ ଦେଖାଇ ଜଣେ ବିବାହିତା ମହିଳାଙ୍କୁ ଅଭିନବ ଉପାୟରେ ଠକିବା ସହ ମଝି ରାସ୍ତାରୁ ସୁନା ଚୁଡି, ମଙ୍ଗଳସୂତ୍ର ଓ କାନଫୁଲ ନେଇ ୨ ଜଣ ଠକ ଫେରାର ହୋଇଯାଇଥିବା ଦେବଗଡ଼ ଆଦର୍ଶ ଥାନାରେ ଅଭିଯୋଗ ହୋଇଛି। ଅଭିଯୋଗ ଅଧାରରେ ଦେବଗଡ଼ ପୋଲିସ ସିସିଟିଭି ଫୁଟେଜ୍‌ ଆଧାରରେ ଘଟଣାର ତଦନ୍ତ ଆରମ୍ଭ କରିଛି। ଏ ଘଟଣା ପ୍ରଚାରିତ ହେବା ପରେ ଏନେଇ ସମଗ୍ର ଦେବଗଡ଼ ଜିଲାରେ ଆଲୋଡନ ସୃଷ୍ଟି ହୋଇଛି।
ଅଭିଯୋଗ ଅନୁଯାୟୀ, ଦେବଗଡ଼ ପୌରାଞ୍ଚଳ ୧୧ ନମ୍ବର ଓ୍ବାର୍ଡ କଚେରି ସାହିରେ ଅଭୟ କୁମାର ନନ୍ଦଙ୍କ ଘରେ ଭଡ଼ାରେ ରହୁଥିବା ଧୋବଲିପଥର ଗ୍ରାମର ଟିକେଶ୍ୱର ପ୍ରଧାନଙ୍କ ସ୍ତ୍ରୀ କ୍ଷିରେଶ୍ୱରୀ ପ୍ରଧାନ କୌଣସି କାମରେ ଧୋବଲିପଥର ଗ୍ରାମସ୍ଥିତ ନିଜ ଘରକୁ ଯାଇଥିବା ବେଳେ ଅପରାହ୍ନ ପ୍ରାୟ ୩ଟା ୩୦ ମିନିଟ ସମୟରେ ଏକ ଅଟୋରିକ୍ସା ଯୋଗେ ସ୍ଥାନୀୟ ଟ୍ୟାକ୍ସି ଷ୍ଟାଣ୍ଡରେ ପହଞ୍ଚିଥିଲେ। ସେଠାରୁ ସେ ପାଦରେ ଚାଲିଚାଲି କଚେରିସାହିସ୍ଥିତ ଭଡ଼ା ଘରକୁ ଯାଉଥିବା ବେଳେ ପଛରୁ ପିଛା କରୁଥିବା ଜଣେ ଅଚିହ୍ନା ବ୍ୟକ୍ତି ତାଙ୍କୁ ମ୍ୟୁନିସିପାଲିଟି ସାହିସ୍ଥିତ ନୃସିଂହ ମନ୍ଦିର ଛକରେ ଅଟକାଇବା ସହ ହିନ୍ଦୀ ଭାଷାରେ ‘ ଡକ୍ଟର ଶର୍ମା କା ଘର କାହାଁ ହେ ?’ ବୋଲି ପଚାରିିଥିଲେ । କ୍ଷିରେଶ୍ୱରୀ ‘ ମୁଁ ଜାଣିନାହିଁ ’ବୋଲି ଉତ୍ତର ଦେବା ପରେ ବିଭିନ୍ନ ବାହାନା ଦେଖାଇ କ୍ଷିରେଶ୍ୱରୀଙ୍କ ସହିତ କଥା ହେବା ସହ ସେ ନିଜକୁ ଜଣେ ତାନ୍ତ୍ରିକ ବୋଲି ପରିଚୟ ଦେଇଥିଲେ। କ୍ଷୀରେଶ୍ୱରୀଙ୍କ ସ୍ବାମୀ, ପୁଅଙ୍କ ସମ୍ପର୍କରେ ଓ ଏପରିକି ପରିବାରର ସମସ୍ତ ତଥ୍ୟ ସେ ଜାଣିଥିବା ପ୍ରକାଶ କରିଥିଲେ। ଏଥିସହ ‘ତାଙ୍କ ସ୍ବାମୀ ଓ ପୁଅଙ୍କ ଜୀବନ ବିପଦରେ ଅଛି ’ ବୋଲି ଚେତାବନୀ ଦେବାସହ ତତ୍‌କ୍ଷଣାତ୍‌ ପୂଜାପାଠ ଓ ପ୍ରାୟଶ୍ଚିତ ନ କଲେ ସ୍ବାମୀ ଓ ପୁତ୍ରଙ୍କର ଅନିଷ୍ଠ ଘଟିବ ବୋଲି ଡରାଇଥିଲେ। ଉକ୍ତ ବ୍ୟକ୍ତିଙ୍କ କଥା ଶୁଣି କ୍ଷିରେଶ୍ୱରୀ ଆତଙ୍କିତ ହୋଇପଡ଼ିବା ସହ ସ୍ବାମୀ ଓ ପୁତ୍ରଙ୍କୁ ବଞ୍ଚାଇବାକୁ କ’ଣ କରିବାକୁ ପଡ଼ିବ ବୋଲି ପଚାରିଥିଲେ। ଏହାର ଉତ୍ତରରେ ସମ୍ପୃକ୍ତ ବ୍ୟକ୍ତି ଜଣକ ତାଙ୍କୁ ‘ ତୁମ ଘରେ କେତେ ସୁନା ଗହଣା ରହିଛି ?’ ବୋଲି ପ୍ରଶ୍ନ କରିଥିଲେ। ଘରେ ଆଉ ସୁନାଗହଣା ନ ଥିବା କ୍ଷିରେଶ୍ୱରୀ ଉତ୍ତର ଦେବାସହ ସେ ପିନ୍ଧିଥିବା ସୁନାର ମଙ୍ଗଳ ସୂତ୍ର , କାନଫୁଲ ଓ ଚୁଡ଼ି ହିଁ ରହିଥିବା ଜଣାଇଥିଲେ। ଏହି ସମୟରେ ଆଉ ଜଣେ ଅଚିହ୍ନା ବ୍ୟକ୍ତି ସେଠାରେ ପହଞ୍ଚି ନିଜକୁ ତାନ୍ତ୍ରିକ ବୋଲାଉଥିବା ବ୍ୟକ୍ତି ସହିତ କଥାବାର୍ତ୍ତା ହୋଇ ନିଜର ଅତୀତ ଓ ଭବିଷ୍ୟତ ବିଷୟରେ ପଚାରିବା ସହ ତାନ୍ତ୍ରିକ ଜଣକ ସବୁ ସତ କହୁଥିବା ପ୍ରକାଶ କରିଥିଲେ। ଫଳରେ କ୍ଷିରେଶ୍ୱରୀ ତାଙ୍କ କଥାରେ ପ୍ରଭାବିତ ହୋଇ ସେ ପ୍ରକୃତରେ ଜଣେ ତାନ୍ତ୍ରିକ ବୋଲି ବିଶ୍ୱାସ କରିନେଇଥିଲେ। କ୍ଷିରେଶ୍ୱରୀଙ୍କ ମନରେ ବିଶ୍ୱାସ ଜନ୍ମାଇବାରେ ସଫଳ ହୋଇଥିବା ତଥା କଥିତ ତାନ୍ତ୍ରିକ ଜଣକ ଅନୁଭବ କରିବା ପରେ ସ୍ବାମୀ ଓ ପୁତ୍ରଙ୍କୁ ବଞ୍ଚାଇବାକୁ ହେଲେ ସେ ପିନ୍ଧିଥିବା ସୁନାର ମଙ୍ଗଳସୂତ୍ର, କାନଫୁଲ ଓ ଚୁଡ଼ିକୁ ସେ ଧରିଥିବା ମନିପର୍ସ ଭିତରେ ଭର୍ତ୍ତି କରିବାକୁ କହିଥିଲେ। କ୍ଷିରେଶ୍ୱରୀ ତା’ର କଥା ମାନି ନିଜର ସୁନାର ମଙ୍ଗଳସୂତ୍ର, କାନଫୁଲ ଓ ଚୁଡିଖୋଲି ନିଜର ମନପର୍ସରେ ଭର୍ତ୍ତି କରିବା ପରେ ଏହାକୁ ନିକଟରେ ଥିବା ତଥାକଥିତ ଗ୍ରାହକ (ଅନ୍ୟତମ ଅଚିହ୍ନା ବ୍ୟକ୍ତି)ଙ୍କୁ ଧରାଇବା ସହ ‘ଆଖି ବନ୍ଦ କରି ୫୦ ପାଦ ପଛକୁ ଯିବା ପରେ ପୁଣି ଆଗକୁ ଫେରିବାକୁ ପଡ଼ିବ’ ବୋଲି ପରାମର୍ଶ ଦେଇଥିଲେ। ତା’ କଥା ମାନି କ୍ଷୀରେଶ୍ୱରୀ ଅନ୍ୟତମ ଅଚିହ୍ନା ବ୍ୟକ୍ତିକୁ ସୁନା ଗହଣା ଥିବା ମନିପର୍ସଟିକୁ ଧରାଇବା ସହ ଆଖି ବନ୍ଦ କରି ୫୦ ପାଦ ପଛକୁ ଯାଇ ପୁଣି ଆଗକୁ ଆସିଥିଲେ । ମାତ୍ର ଆଖି ଖୋଲିବା ପରେ ନିଜକୁ ତାନ୍ତ୍ରିକ ବୋଲାଉଥିବା ଉପରୋକ୍ତ ଠକ ଓ ଅନ୍ୟତମ ଅଚିହ୍ନା ବ୍ୟକ୍ତି ଏକ ବାଇକ୍‌ରେ ସେଠାରୁ ଚମ୍ପଟ ହୋଇଯାଇଥିବା ଜାଣିବାକୁ ପାଇ ଚିତ୍କାର କରିଥିଲେ। ଏହାପରେ ସେ ଘର ମାଲିକ ଶ୍ରୀ ନନ୍ଦଙ୍କୁ ଫୋନ୍‌ ଦ୍ୱାରା ସୂଚନା ଦେବା ସହ ସିଆରପିଏଫ୍‌ରେ ଚାକିରି କରୁଥିବା ତାଙ୍କ ସ୍ବାମୀ ଟିକେଶ୍ୱରଙ୍କୁ ସୂଚନା ଦେଇଥିଲେ। ଏନେଇ ସେ ଦେବଗଡ଼ ଥାନାରେ ଲିଖିତ ଅଭିଯୋଗ କରିବାରୁ ପୋଲିସ ଘଟଣାର ତଦନ୍ତ ଚଳାଇଛି। ସେହିପରି ଅଧିକ ତଦନ୍ତ ନିମନ୍ତେ ସିସିଟିଭି ଫୁଟେଜ୍‌ର ସହାୟତା ନେଉଥିବା ଜଣାପଡ଼ିଛି।
ସୂଚନାଯୋଗ୍ୟ, କ୍ଷିରେଶ୍ୱରୀଙ୍କ ସ୍ବାମୀ ଟିକେଶ୍ୱର ସିଆର୍‌ପିଏଫ୍‌ରେ ଚାକିରି କରୁଥିବା ବେଳେ ସେ ନିଜର ଦୁଇ ସନ୍ତାନଙ୍କୁ ପାଠ ପଢ଼ାଇବା ପାଇଁ ଦେବଗଡ଼ ପୌରାଞ୍ଚଳ କଚେରିସାହିରେ ଏକ ଭଡ଼ାଘରେ ରହନ୍ତି।


Enter your email to get our daily news in your inbox.

All Right Reserved By Dharitri.Com

୧୧ଦିନ ପରେ ମିଳିଲା ନିଖୋଜ ଶିଶୁର ମୃତ ଶରୀର ଠାବ କଲା ପୋଲିସ

ରାୟଗଡା,୨୧।୩( ଆଶିଷ ରଞ୍ଜନ ପଣ୍ଡା): ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସଦର ପଞ୍ଚାୟତ ୧୫ନମ୍ବର ୱାର୍ଡ ଘାଗୁଡିମାଳ ଗ୍ରାମର ଏକ ୧୩ମାସର ଶିଶୁ ପୁତ୍ରର ମୃତ...

କେସିଙ୍ଗା ତହସିଲଦାରଙ୍କ ନେତୃତ୍ୱରେ ସିରଜାପାଲିରେ ଉଚ୍ଛେଦହେଲା ଜବରଦଖଲ

କେସିଙ୍ଗା,୨୧.୩(ତୁମେଶର ସାହୁ): କଳାହାଣ୍ଡି ଜ଼ିଲା କେସିଙ୍ଗା ବ୍ଲକ ଅନ୍ତର୍ଗତ ସିରଜାପାଲି ଗ୍ରାମରେ ପ୍ରାୟ ୩୦୦ ଏକର ଗୋଚର ଭୂମିକୁ ଲୋକେ ଜବରଦଖଲ କରି ଚାଷ କରୁଥିବା...

ଗୁଳିବିଦ୍ଧ ବାରହାର ମୃତଦେହ ଜବତ; ଦେଶୀ ବନ୍ଧୁକ ଜବତ, ଅଭିଯୁକ୍ତ ଜେଲ ଗଲେ

ଦିଗପହଣ୍ଡି,୨୧।୩(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବନାଞ୍ଚଳ ନୂଆପଡ଼ା ସେକ୍ସନ ବାରିହାକଟା ଗ୍ରାମ ନିକଟ ଗାଇଡା ସଂରକ୍ଷିତ ଜଙ୍ଗଲରୁ ଶୁକ୍ରବାର ସକାଳ ପ୍ରାୟ ସାଢ଼େ...

ମତ୍ସ୍ୟଜୀବୀଙ୍କ ସହ ଆର୍ଯ୍ୟପଲ୍ଲୀ ମତ୍ସ୍ୟ ଜେଟି ବୁଲି ଦେଖିଲେ ପ୍ରଶାସନିକ ଟିମ୍‌

ଛତ୍ରପୁର, ଦିଲ୍ଲୀପ ସାମଲ ୨୧।୩ : ସମୁଦ୍ର ଆଁ କରି ରହିଛି । କେଉଁ ମୁହୁର୍ତ୍ତରେ ଆର୍ଯ୍ୟପଲ୍ଲୀ ପଞ୍ଚାୟତକୁ ସମୁଦ୍ର ଗିଳି ଦେବ । ଆର୍ଯ୍ୟପଲ୍ଲୀ...

ଉପରସେମ୍ବି ଗ୍ରାମ ଜଙ୍ଗଲରେ ପଡିରହିଛି ସୀମା ଚିହ୍ନଟ ଖୁଣ୍ଟି: ଫଟୋ,ଭିଡ଼ିଓ ଭାଇରାଲ

ପଟ୍ଟାଙ୍ଗି,୨୧ା୩(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ୍‌ ଅଧିନରେ ଥିବା କୋଟିଆ ପଞ୍ଚାୟତର ସୀମାନ୍ତ ଉପରସେମ୍ବି ଗ୍ରାମର ଜଙ୍ଗଲରେ ପଡି ରହିଥିବା ସୀମା ଚିହ୍ନଟ...

ଦୁର୍ଘଟଣାରେ ପ୍ରଧାନଶିକ୍ଷକଙ୍କ ମୃତ୍ୟୁ ଘଟଣା: ଗାଡ଼ି ଚାଳକଙ୍କୁ କୋର୍ଟ ଚାଲାଣ

ଦିଗପହଣ୍ଡି,୨୧।୩(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି-ଘୋଡ଼ାହାଡ଼ ଡ଼୍ୟାମ ମୁଖ୍ୟରାସ୍ତାରେ ବୁଧବାର ସକାଳେ ନୀଳକଣ୍ଠ ନାମକ ଯାତ୍ରୀବାହୀ ବସ ନଂ. (ଓଡ଼ି ୦୭ ଟି –...

ପୋଲରେ ପିଟିହେଲା ସ୍କୁଟି : ୨ ମୃତ, ୨ ଆହତ

ଜି.ଉଦୟଗିରି,୨୧ା୩(ଚିନ୍ମୟ କୁମାର ସେଠୀ): କନ୍ଧମାଳ ଜିଲା ଜି.ଉଦୟଗିରି କଳିଙ୍ଗା ରାଜ୍ୟ ରାଜପଥ କଳିଙ୍ଗା ପଞ୍ଚାୟତ ଅନ୍ତର୍ଗତ ରାଇପଦା ଛକ ନିକଟ ଏକ ପୋଲରେ ସ୍କୁଟି ପିଟିହୋଇ...

ନାମ ଯଜ୍ଞ ଦେଖି ଫେରିଲା ବେଳକୁ ନ ଥିଲା ଗାଡ଼ି

ଭଞ୍ଜନଗର,୨୧।୩(ବାବୁଲା ପ୍ରଧାନ): ଗଞ୍ଜାମ ଜିଲା ତାରସିଂ ଥାନା ଅନ୍ତର୍ଗତ ବ୍ରାହ୍ମଣପଦର ଗ୍ରାମରୁ ଗୁରୁବାର ରାତିରେ ଏକ ବାଇକ ଚୋରି ହୋଇଛି। ଏ ନେଇ ହରିଗଡ ଗ୍ରାମର...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri
preload imagepreload image