କଟକ,୧୦।୧୧: ରାଜ୍ୟର ସର୍ବପୁରାତନ ତଥା ଜଣାଶୁଣା ଆୟୁର୍ବେଦିକ ପ୍ରତିଷ୍ଠାନ ଓଡ଼ିଶା ଆୟୁର୍ବେଦ ଭବନ (ଓଏବି) ପକ୍ଷରୁ ବାଲିଯାତ୍ରା ପରିପ୍ରେକ୍ଷୀରେ ଏକ ବୃହତ୍ ଷ୍ଟଲର ଶୁଭାରମ୍ଭ କରାଯାଇଛି। ଏପରିକି କଟକ ବାଲିଯାତ୍ରା ତଳପଡ଼ିଆଠାରେ ନିକଟରେ ଓଏବିର ଷ୍ଟଲ୍ ଉଦ୍ଘାଟିତ ହୋଇଯାଇଛି। ଏହି ଅବସରରେ ଓଏବିର ଏମ୍ଡି ମନୋଜ କୁମାର ଦାସ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ।
ଅନ୍ୟମାନଙ୍କ ମଧ୍ୟରେ ଓଏବିର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ। ବିଶେଷକରି ଶୁଦ୍ଧ ଓ ଗୁଣବତ୍ତା ଆୟୁର୍ବେଦ ଔଷଧ ପ୍ରଦାନରେ ପ୍ରତିଷ୍ଠାନର ଦୀର୍ଘଦିନର ଅଭିଜ୍ଞତା ରହିଛି। ସେହିଭଳି ଦୀର୍ଘ ଗବେଷଣା ପରେ ଗ୍ୟାସ୍-ଏସିଡିଟି,ବଦହଜମି ପାଇଁ ଓଏବି ଦ୍ୱାରା ପ୍ରସ୍ତୁତ ଓଡ଼ିଶା ଶିବାଷ୍ଟକ ଚୂର୍ଣ୍ଣ ରୋଗୀଙ୍କ ପାଇଁ ବେଶ୍ ଉପଯୋଗୀ ସାବ୍ୟସ୍ତ ହୋଇଛି ବୋଲି ପ୍ରତିଷ୍ଠାନ ପକ୍ଷରୁ କୁହାଯାଇଛି।
ସେହିପରି ବାଲିଯାତ୍ରା ଅବସରରେ ଉକ୍ତ ଔଷଧ ମାଗାଣାରେ ବଣ୍ଟନ କରାଯାଉଛି। ତା’ସହ ପୁରୁଣା ଆଣ୍ଠୁଗଣ୍ଠି ବାତ ପାଇଁ ରୁମ୍ରାଟିକ ଅଏଲ (ତେଲ) ଓ ରାସ୍ନାଦୀବଟି ଭଳି ଆୟୁର୍ବେଦ ଔଷଧ ମଧ୍ୟ ମାଗାଣାରେ ରୋଗୀ ଓ ସେମାନଙ୍କ ସମ୍ପର୍କୀୟମାନଙ୍କୁ ଦିଆଯାଉଛି। ଏହି ସୁବିଧା କେବଳ କଟକ ବାଲିଯାତ୍ରା ପଡ଼ିଆରେ ପଡିଥିବା ଷ୍ଟଲ୍ରେ ଉପଲବ୍ଧ ହେଉଛି ବୋଲି ଓଏବି ପକ୍ଷରୁ ସୂଚନା ଦିଆଯାଇଛି। ଉଲ୍ଲେଖଯୋଗ୍ୟ, କଟକ କଲେଜଛକଠାରେ ଓଡ଼ିଶା ଆୟୁର୍ବେଦ ଭବନର ବୃହତ୍ ଷ୍ଟୋର ଦୀର୍ଘ ବର୍ଷ ହେବ ରହିଛି।