ଭୁବନେଶ୍ୱର,୪।୧୨: ଜେଏସ୍ଡବ୍ଲ୍ୟୁ ଫାଉଣ୍ଡେଶନ ଓ ଜୟନ୍ନାଥ କ୍ୟାନସର ଏଡ ଫାଉଣ୍ଡେଶନ (ଜେସିଏଫ)ର ମିଳିତ ସହଯୋଗରେ ଏକ ଦୁଇଦିନିଆ ମାଗଣା ସ୍ବାସ୍ଥ୍ୟ ଶିବିର ନିକଟରେ ଆୟୋଜିତ ହୋଇଯାଇଛି। ବିଶେଷ କରି କେନ୍ଦୁଝର ଜିଲାର କୋଇରା ଏବଂ ଜଜାଙ୍ଗ ଭଳି ଅନେକ ଗ୍ରାମର ୪୦୦ରୁ ଅଧିକ ଲୋକଙ୍କୁ ମାଗଣା ଚିକିତ୍ସା ପ୍ରଦାନ କରାଯାଇଥିଲା। ଏପରିକି କ୍ୟାନସର ସ୍କ୍ରିନିଂ ତଥା ମଧୁମେହ, ଉଚ୍ଚ ରକ୍ତଚାପ, ଏସପିଓ-୨, ପଲ୍ସ, ବିଏମଆଇ, କାର୍ଡିଓଲୋଜି, ଅର୍ଥୋପେଡିକ ଓ ଗାଇନୋକୋଲୋଜି ଭଳି ପରୀକ୍ଷା ଉପରେ ଧ୍ୟାନ ଦେଇ ଏଭଳି ଏକ ମେଗା ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇଥିଲା। ଉକ୍ତ ଶିବିରରେ ଟାଟା ମେମୋରିଆଲ କ୍ୟାନସର ହସପିଟାଲ ମୁମ୍ବାଇର ଡା. ଶିଶିର କୁମାର ସେଟି, ଭୁବନେଶ୍ୱରର ଉତ୍କଳ ହସପିଟାଲ ଓ କିମ୍ସର କ୍ୟାନସର ଆଣ୍ଡ ଏଣ୍ଡୋକ୍ରାଇନ ସର୍ଜନ ଡା. ଦିଲିପ କର ପ୍ରମୁଖ ଯୋଗ ଦେଇଥିଲେ। ଏହି ପରିପ୍ରେକ୍ଷୀରେ ସୁନ୍ଦରଗଡ଼ ଏଡିଏମଓ ଡ. କାହ୍ନୁଚରଣ ନାୟକ ଉକ୍ତ ଶିବିର ପରିଦର୍ଶନ କରି କମ୍ପାନିର କାର୍ଯ୍ୟକୁ ପ୍ରଶଂସା କରିଥିଲେ। ଉକ୍ତ କାର୍ଯ୍ୟକ୍ରମରେ କୋଇଡା ସରପଞ୍ଚ ହୃଷୀକେଶ ଦେୱାରିଶ ପ୍ରମୁଖ ଉପସ୍ଥିତ ଥିଲେ। ଉଲ୍ଲେଖଯୋଗ୍ୟ, ଉକ୍ତ ଶିବିରକୁ ଜିଲାର ଜଜାଙ୍ଗ, ଗାନୁଆ, ନୂଆଗାଁ, ନାରାୟଣପୋଷୀ ଭଳି ଅନେକ ଗ୍ରାମର ଲୋକଙ୍କୁ ମାଗଣା ସ୍ବାସ୍ଥ୍ୟ ଶିବିରରେ ଭାଗ ନେବାକୁ ଫାଉଣ୍ଡେଶନ ପକ୍ଷରୁ ଆମନ୍ତ୍ରଣ କରାଯାଇଥିଲା।
