ପ୍ୟାରିସ, ୨୬ା୫ (ପି.ଟି.)-ଭାରତର ରାମକୁମାର ରମାନାଥନ ଫ୍ରେଞ୍ଚ ଓପନ କ୍ୱାଲିଫାୟର୍ସ ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି। କିନ୍ତୁ ପ୍ରଜନେଶ ଗୁଣେଶ୍ୱରନ ପ୍ରଥମ ରାଉଣ୍ଡରେ ପରାଜୟ ସହ ବିଦାୟ ନେଇଛନ୍ତି। ରାମକୁମାର ଓପନିଂ ରାଉଣ୍ଡରେ ଆମେରିକାର ମାଇକେଲ ମୋହ୍ଙ୍କୁ ୨-୬, ୭-୬(୪), ୬-୩ ସେଟ୍ରେ ହରାଇ ଦେଇଛନ୍ତି। ଏହି ମ୍ୟାଚ ୧ ଘଣ୍ଟା ୫୪ ମିନିଟ୍ରେ ଶେଷ ହୋଇଥିଲା। ରାମକୁମାର ପରବର୍ତ୍ତୀ ରାଉଣ୍ଡରେ ଉଜ୍ବେକିସ୍ତାନର ଭେଟେରାନ ଡେନିସ ଇସ୍ତୋମିନ୍ଙ୍କୁ ଭେଟିବେ। ଇସ୍ତୋମିନ୍ ଏକ ୩ ସେଟ୍ ବିଶିଷ୍ଟ ମ୍ୟାଚରେ ବୋସନିଆର ଦାମିର ଦିିଜମ୍ହରଙ୍କୁ ହରାଇ ଦେଇଥିଲେ। ଅନ୍ୟପକ୍ଷରେ ୩୨ତମ ସିଡ୍ ବାମହାତୀ ପ୍ରଜନେଶ ଜର୍ମାନୀର ଓସ୍କାର ଓଟେଙ୍କଠାରୁ ୨-୬, ୨-୬ ସେଟ୍ରେ ହାରିଯାଇଛନ୍ତି। ଭାରତର ଟପ୍ ସିଙ୍ଗଲ୍ସ ଖେଳାଳି ୨୭ତମ ସିଡ୍ ସୁମିତ ନାଗାଲ ତାଙ୍କ ପ୍ରଥମ ମ୍ୟାଚ ରବର୍ଟୋ ମାର୍କୋରାଙ୍କ ବିପକ୍ଷରେ ଖେଳିବେ।
