ନୂଆଦିଲ୍ଲୀ,୯ା୧୦: ଯୁକ୍ତରାଷ୍ଟ୍ରର ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନ୍ ରାଷ୍ଟ୍ରପତି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିବା ସହ ତାଙ୍କୁ ତାଙ୍କର ‘ବନ୍ଧୁ’ ଏବଂ ‘ସବୁଠାରୁ ସୁନ୍ଦର ମଣିଷ’ ବୋଲି କହିଛନ୍ତି।
ଫ୍ଲାଗାଣ୍ଟ ପୋଡକାଷ୍ଟରେ ବିଶ୍ୱର ନେତାଙ୍କ ମୂଲ୍ୟାଙ୍କନ କରି ଟ୍ରମ୍ପ କହିଛନ୍ତି, “ମୋଦି (ଭାରତ), ସେ ମୋର ଜଣେ ବନ୍ଧୁ ଏବଂ ସବୁଠାରୁ ସୁନ୍ଦର ମଣିଷ। ତାଙ୍କୁ ପ୍ରଧାନମନ୍ତ୍ରୀ ଭାବରେ ନିଯୁକ୍ତ ହେବା ପୂର୍ବରୁ ଭାରତ ବହୁତ ଅସ୍ଥିର ଥିଲା। ବାହାରେ, ସେ ଦେଖାଯାଉଛନ୍ତି ଯେ, ସେ ତୁମର ପିତା, ସେ ସବୁଠାରୁ ସୁନ୍ଦର ଏବଂ ଭଲ ମଣିଷ।
ଏହି ସମୟରେ ସେ, ୨୦୧୯ ରେ ଟେକ୍ସାସରେ ଆୟୋଜିତ ଆଇକନିକ୍ “ହାଓଡି, ମୋଦି” କାର୍ଯ୍ୟକ୍ରମକୁ ମଧ୍ୟ ମନେ ପକାଇଥିଲେ ଯେତେବେଳେ ମୋଦି ହ୍ୟୁଷ୍ଟନ୍ ସହରର ଏନଆରଜି ଷ୍ଟାଡିୟମରେ ଭାରତୀୟ-ଆମେରିକୀୟମାନଙ୍କ ଏକ ବିଶାଳ ସମାବେଶକୁ ସମ୍ବୋଧିତ କରିଥିଲେ।
ଟେକ୍ସାସର ହ୍ୟୁଷ୍ଟନରେ ହାଓଡି ମୋଦି ନାମକ ଏକ କାର୍ଯ୍ୟକ୍ରମ କରିଥିଲେ। ଏହା ବହୁତ ସୁନ୍ଦର ଥିଲା। ଯାହା ପ୍ରାୟ ୮୦,୦୦୦ ଲୋକଙ୍କ ସମାବେଶ ଥିଲା। ସେଠାରେ ଆମେ ଦୁହେଁ କିଛି ବାଟ ଚାଲିଥିଲୁ। ଆଜି ବୋଧହୁଏ ମୁଁ ସେପରି କିଛି କରି ପାରିବି ନାହିଁ ବୋଲି ସେ କହିଛନ୍ତି।
ତେବେ ସିଧାସଳଖ ପାକିସ୍ତାନର ନାମକରଣ ନକରି ଟ୍ରମ୍ପ କହିଛନ୍ତି, “ଦୁଇଥର କେହି ଜଣେ ଭାରତକୁ ଧମକ ଦେଉଥିଲେ ଏବଂ ମୁଁ ମୋଦିଙ୍କୁ କହିଥିଲି, ମୋତେ ସାହାଯ୍ୟ କରିବାକୁ ଦିଅନ୍ତୁ କାରଣ ମୁଁ ଏଥିରେ ବହୁତ ଭଲ ଅଟେ। ଯାହାର ଜବାବରେ ମୋଦି ବହୁତ ଅକରାତ୍ମକ ଭାବେ କହିଥିଲେ ‘ମୁଁ ଏହାକୁ ସମ୍ଭାଳି ନେବି। ଆମେ ଶହ ଶହ ବର୍ଷ ଧରି ସେମାନଙ୍କୁ ପରାସ୍ତ କରିଛୁ।
ଉଭୟ ପ୍ରଧାନମନ୍ତ୍ରୀ ମୋଦି ଏବଂ ଟ୍ରମ୍ପଙ୍କ ମଧ୍ୟରେ ସେ ସମୟରେ ଘନିଷ୍ଠ ସମ୍ପର୍କ ଥିଲା। ପ୍ରଧାନମନ୍ତ୍ରୀ ମୋଦି ଡୋନାଲ୍ଡ ଟ୍ରମ୍ପଙ୍କୁ ଜଣେ ପ୍ରକୃତ ବନ୍ଧୁ ବୋଲି କହୁଥିବାବେଳେ ଟ୍ରମ୍ପ ମୋଦୀଙ୍କ ନେତୃତ୍ୱ ଏବଂ ବ୍ୟକ୍ତିବିଶେଷଙ୍କୁ ପ୍ରଶଂସା କରି ସମାନ ପ୍ରକାର ପ୍ରତିକ୍ରିୟା ଦେଇଛନ୍ତି।
ଆମେରିକାର ରାଷ୍ଟ୍ରପତି ଭାବରେ ତାଙ୍କ କାର୍ଯ୍ୟକାଳ ମଧ୍ୟରେ ଗୁଜୁରାଟର ଅହମ୍ମଦାବାଦରେ ଆୟୋଜିତ “ନମସ୍ତେ ଟ୍ରମ୍ପ” କାର୍ଯ୍ୟକ୍ରମ ପାଇଁ ଡୋନାଲ୍ଡ ଟ୍ରମ୍ପ ଭାରତରେ ପହଞ୍ଚିଥିଲେ। ଏହି କାର୍ଯ୍ୟକ୍ରମରେ ୧ ଲକ୍ଷରୁ ଅଧିକ ଲୋକ ଯୋଗ ଦେଇଥିଲେ, ଯାହା ଦେଶ ବାହାରେ ଆମେରିକାର ରାଷ୍ଟ୍ରପତିଙ୍କ ଦ୍ୱାରା ପରିଚାଳିତ ସର୍ବ ବୃହତ ସମାବେଶରେ ପରିଣତ ହୋଇଥିଲା।
ନିକଟରେ ଡୋନାଲ୍ଡ ଟ୍ରମ୍ପ ପ୍ରଧାନମନ୍ତ୍ରୀ ମୋଦିଙ୍କୁ ‘ଚମତ୍କାର ବ୍ୟକ୍ତି’ ବୋଲି କହିଥିଲେ। ତେବେ ପ୍ରଧାନମନ୍ତ୍ରୀ ମୋଦିଙ୍କ ଗସ୍ତ ସମୟରେ ଉଭୟଙ୍କ ମଧ୍ୟରେ ସାକ୍ଷାତ ହେବ ବୋଲି ଆଲୋଚନା ହେଉଥିଲା, କିନ୍ତୁ ସେପରି କିଛି ହୋଇ ନଥିଲା।