ମୁଜଫରନଗର,୯।୧୧: ଉତ୍ତର ପ୍ରଦେଶର ମୁଜାଫରନଗରରେ ଏକ ଅଭାବନୀୟ ଘଟଣା ଘଟିଛି। ଏଠାରେ ଜଣେ ବ୍ୟକ୍ତିଙ୍କୁ ନିଜ ବନ୍ଧୁଙ୍କ ସ୍ତ୍ରୀ ସହ କଥା ହେବା ମହଙ୍ଗା ପଡିଛି। କାମ ଥିବା କହି ଘରକୁ ଡାକି ସମ୍ପୃକ୍ତ ବ୍ୟକ୍ତି ଗଳାକାଟି ହତ୍ୟା କରିଛନ୍ତି ତାଙ୍କ ବନ୍ଧୁ। ଏହାପରେ ମୃତଦେହକୁ ଆବର୍ଜନା ଗଦାରେ ପକାଇ ଦେଇଥିଲେ। ସୂଚନାଯୋଗ୍ୟ, ବୁଆଡା ମାର୍ଗ ନିବାସୀ ବଣ୍ଟିଙ୍କ ସ୍ତ୍ରୀ ସହ ତାଙ୍କ ବନ୍ଧୁ ରବିନ୍ ମୋବାଇଲରେ ବରାବର କଥା ହେଉଥିଲେ। ଉଭୟଙ୍କର ଅବୈଧ ସମ୍ପର୍କ ଥିବା ସନ୍ଦେହ କରି ବଣ୍ଟି ରାଗରେ ଦିନେ ରବିନଙ୍କୁ ଘରକୁ ଡାକିଥିଲେ। ଏହାପରେ ଏକ ଧାରୁଆ ଅସ୍ତ୍ରରେ ବନ୍ଧୁଙ୍କ ଗଳା କାଟି ହତ୍ୟା କରିଥିଲେ ବଣ୍ଟି। ପରେ ତାଙ୍କ ମୃତଦେହ ବୁଆଡା ମାର୍ଗସ୍ଥିତ ପାଲିଓ୍ବାଲ ନର୍ସରୀ ସାମ୍ନାରେ ଥିବା ଏକ ଟ୍ରାନ୍ସଫରମର ନିକଟ ଆବର୍ଜନା ଗଦାରେ ଲୁଚାଇ ଦେଇଥିଲେ। ପୁଅ ନିଖୋଜ ହେବା ନେି ରବିନ ପିତା ଧର୍ମବୀର ଥାନାରେ ଏତଲା ଦେଇଥିଲେ ଏହି ଆଧାରରେ ପୋଲି ତଦନ୍ତ ଆରମ୍ଭ କରିଥିଲା। ୩ ଦିନ ପରେ ରବିନଙ୍କ ମୃତଦେହ ଉଦ୍ଧାର କରାଯାଇ ବ୍ୟବଛେଦ ପାଇଁ ପଠାଇ ପୋଲିସ ତଦନ୍ତ ଆରମ୍ଭ କରିଛି।
