ତାମିଲନାଡୁରେ ଏକ ବିବାହ ଉତ୍ସବରେ ନବଦମ୍ପତିଙ୍କୁ ତାଙ୍କ ସାଙ୍ଗମାନେ ଏକ ନିଆରା ଉପହାର ଦେଇଛନ୍ତି। ଯାହାକୁ ଦେଖି ନବଦମ୍ପତି ହସି ହସି ବେଦମ ହୋଇଯାଇଛନ୍ତି। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଭିଡିଓରେ ଦେଖିବାକୁ ମିଳିଛି କିଛି ବନ୍ଧୁ ନବଦମ୍ପତିଙ୍କୁ ପେଟ୍ରୋଲ ଭର୍ତ୍ତି କ୍ୟାନ୍, ଆଉ କେତେଜଣ ଗ୍ୟାସ ସିଲିଣ୍ଡର ଏବଂ କେହି କେହି ପିଆଜ ମଧ୍ୟ ଉପହାର ଦେଇଥିଲେ।
ବର୍ତ୍ତମାନ ସମୟରେ ପେଟ୍ରୋଲ, ଡିଜେଲ, ପିଆଜ ଦର ବୃଦ୍ଧି ପାଉଥିବାରୁ ସାଙ୍ଗମାନେ ମିଶି ନବଦମ୍ପତିଙ୍କୁ ଏପରି ସବୁ ଉପହାର ଦେଇଛନ୍ତି। ଭିଡଓରେ ନବଦମ୍ପତି ଠିଆ ହୋଇଥିବା ବେଳେ ତାଙ୍କ ସହ କିଛି ଅତିଥି ମଧ୍ୟ ଠିଆ ହୋଇଥିବା ଦେଖିବାକୁ ମିଳିଛି। ସମସ୍ତେ ଏକାଠି ମିଶି ସେଲ୍ଫି ବି ନେଉଛନ୍ତି। ଭିଡିଓରେ ଦେଖିବେ ଉପହାର ଦେଖି ନବଦମ୍ପତିଙ୍କ ସହ ଉପସ୍ଥିତ ଅତିଥିମାନେ ହସ ସମ୍ଭାଳି ପାରୁନାହାନ୍ତି। ଆପଣ ବି ଏହି ଭିଡିଓ ଦେଖିଲେ ହସି ହସି ଗଡ଼ିବେ।