ସୁଖ ହେଉ ଅବା ଦୁଃଖ, ଯିଏ ସବୁବେଳେ ପାଖରେ ଥାଏ, ଆଉ ଯାହା ଆଗରେ ସବୁ ମନ କଥା କହି ହୋଇଯାଏ, ସିଏ ହେଉଛି ବନ୍ଧୁ। ଯଦିଓ ଏହି ସୁନ୍ଦର ସମ୍ପର୍କ ଲାଗି ପ୍ରତିଟି ଦିନ ସ୍ପେଶାଲ ତଥାପି ଏହାକୁ ଆହୁରି ନିବିଡ କରିବା ଲାଗି ପାଳନ ହୋଇଥାଏ ବନ୍ଧୁତ୍ୱ ଦିବସ। ତେବେ ଆସନ୍ତୁ ଜାଣିବା ଏହି ଦିବସ ସମ୍ପର୍କରେ କିଛି ରୋଚକ ତଥ୍ୟ:
ମସିହାରେ ହଲ୍ମାର୍କ କାର୍ଡର ପ୍ରତିଷ୍ଠାତା ଜଏସ୍ ହଲ୍ ପ୍ରଥମେ ଅଗଷ୍ଟ ମାସ ପ୍ରଥମ ରବିବାରକୁ ଫ୍ରେଣ୍ଡଶିପ୍ ଡେ’ ଭାବେ ଆରମ୍ଭ କରିଥିଲେ। ସେ ଏହାକୁ ଏକ ବ୍ୟବସାୟ ରଣନୀତି ଭାବେ ଆରମ୍ଭ କରିଥିଲେ ହେଁ ଏହା ଦିନକୁ ଦିନ ଖୁବ୍ ଲୋକପ୍ରିୟ ହୋଇଥିଲା ।
ଷ୍ଟେଟ୍ ଅଫ୍ କଂଗ୍ରେସ୍ ପକ୍ଷରୁ ୧୯୩୫ ମସିହାରେ ଅଗଷ୍ଟ ପ୍ରଥମ ରବିବାରକୁ ଜାତୀୟ ବିନ୍ଧୁତ୍ୱ ଦିବସ ଭାବେ ଘୋଷଣା କରାଗଲା। କିନ୍ତୁ ପାରାଗୁଏର ଡା. ରାମନ୍ ଆର୍ଟେମିଓ ବ୍ରାକୋ ଜୁଲାଇ ୩୦ ତାରିଖକୁ ବିଶ୍ୱ ବନ୍ଧୁତ୍ୱ ଦିବସ ଭାବେ ପାଳନ କରିବାକୁ ପ୍ରସ୍ତାବ ଦେଇଥିଲେ ଏବଂ ତାଙ୍କ ଦେଶରେ ୧୯୫୮ ମସିହାରେ ପାଳନ କରାଯାଇଥିଲା। ସେବେଠୁ ବିଭିନ୍ନ ଦେଶରେ ଏହି ଦିବସ ପାଳନ କରାଯାଇ ଆସୁଥିଲେ ହେଁ ୟୁନାଇଟେଡ୍ ଷ୍ଟେଟ୍ ଜେନେରାଲ୍ ଆସେମ୍ବ୍ଲୀ ପକ୍ଷରୁ ଏପ୍ରିଲ୍ ୨୭, ୨୦୧୧ରେ ଜୁଲାଇ ୩୦କୁ ବିଶ୍ୱ ବନ୍ଧୁତ୍ୱ ଦିବସର ମାନ୍ୟତା ମିଳିଲା।
ସ୍ପେନ୍, ବ୍ରାଜିଲ୍ ଏବଂ ଉରୁଗୁଏରେ ଏହି ଦିବସ ଜୁଲାଇ ୩୦ ପରିବର୍ତ୍ତେ ୨୦ ତାରିଖରେ ପାଳନ ହେଉଥିବା ବେଳେ ଇକୁଆଡର, ମେକ୍ସିକୋ, ଭେନେଜୁଏଲା ଆଦି ଦେଶରେ ଏହା ଫେବୃୟାରୀ ୧୪ ତାରିଖରେ ପାଳନ କରାଯାଏ।
ମେମ୍ଫିସ୍ କାପ୍ପା ଡେଲ୍ଟା ସରୋରିଟୀ ପକ୍ଷରୁ ମହିଳାଙ୍କ ଜୀବନରେ ମହିଳା ବନ୍ଧୁଙ୍କ ଗୁରୁତ୍ୱ ଦର୍ଶାଇବା ଲାଗି ୧୯୯୯ରେ ସେପ୍ଟେମ୍ବର ୩ୟ ରବିବାରକୁ ନ୍ୟାଶନାଲ୍ ଓମେନ୍ସ ଫ୍ରେଣ୍ଡଶିପ୍ ଡେ’ ଭାବେ ପାଳନ କରାଯାଉଛି।
ଦେଶରେ ୧୯୨୦ ମସିହାରେ ଗ୍ରୀଟିଙ୍ଗ୍ କାର୍ଡ ନ୍ୟାଶନାଲ୍ ଆସୋସିଏଶନ୍ ପକ୍ଷରୁ ଫ୍ରେଣ୍ଡଶିପ୍ ଡେ’ ପ୍ରମୋଶନ୍ କରାଯାଇଥିଲା। ହେଲେ ଅନେକେ ଏହାକୁ ଗ୍ରୀଟିଙ୍ଗ୍ କାର୍ଡ ବିକ୍ରି ବୃଦ୍ଧି ଲାଗି ଏକ ବିଜ୍ନେସ୍ ପ୍ଲାନ୍ ବୋଲି ଭାବିନେଇଥିଲେ।
ୟୁଏନ୍ ସେକ୍ରେଟାରୀ ଜେନେରାଲ କୋଫି ଆନନ୍ଙ୍କ ପତ୍ନୀ ନାନେ ଆନନ୍ କାର୍ଟୁନ ଚରିତ୍ର ଓ୍ବନୀ ଦ ପୁହ୍କୁ ଫ୍ରେଣ୍ଡଶିପ୍ର ଗ୍ଲୋବାଲ୍ ଆମ୍ବାସାଡର ଘୋଷଣା କରିଥିଲେ। ମାସକୁ ଇଣ୍ଟରନ୍ୟାଶନାଲ ମନ୍ଥ ଅଫ୍ ଫ୍ରେଣ୍ଡଶିପ୍ ଭାବେ ପାଳନ କରାଯାଏ।