ଦୁନିଆର ସବୁଠାରୁ ଭୟାନକ ପ୍ରାଣୀମାନଙ୍କ ବିଷୟରେ ଯଦି କହିବା ତେବେ ନିଶ୍ଚିତ ଭାବରେ କୁମ୍ଭୀର ଏହି ତାଲିକାରେ ସ୍ଥାନ ପାଇବ। କିନ୍ତୁ ବେଳେବେଳେ ଏହି ଭୟଙ୍କର ପ୍ରାଣୀ ନିରୀହ ପ୍ରାଣୀଙ୍କ ସହ ମିତ୍ରତା କରିଥାଏ। ଯାହା ଦେଖିଲେ ଆଶ୍ଚର୍ଯ୍ୟ ଲାଗେ। ଏବେ ସେମିତି ଏକ ଭିଡିଓ ଭାଇରାଲ ହେବାରେ ଲାଗିଛି।
ଭାଇରାଲ ହଗ୍ ନାମକ ଇନ୍ଷ୍ଟାଗ୍ରାମରେ ଏକ ଫଟୋ ଶେୟାର କରାଯାଇଛି। ଯେଉଁଥିରେ କୁମ୍ଭୀରଟି ପାଣି ଭିତରେ ଥିବା ବେଳେ ତା’ ପିଠିରେ ଏକ ବଗ ଆରାମରେ ବସିଛି। କୁମ୍ଭୀର ପଶୁପକ୍ଷୀଙ୍କୁ ଶିକାର କରୁଥିବା ବେଳେ ବଗର ଟିକେ ବି ଭୟ ନାହିଁ।
ଖାଲି ଏତିକି ନୁହେଁ, ଏହି ସମୟରେ ଅନେକ କୁମ୍ଭୀର ପାଣି ଭିତରେ ଥିବା ମଧ୍ୟ ଦେଖିବାକୁ ମିଳିଛି। ତଥାପି ବଗର ଭୟ ନାହିଁ। କୁମ୍ଭୀରଟି ବଗର ସାମାନ୍ୟତମ କ୍ଷତି କରୁନାହିଁ।
ଏହି ଭିଡିଓକୁ ୧ ଲକ୍ଷରୁ ଅଧିକ ଲୋକ ଦେଖିସାରିଥିବା ବେଳେ ଅନେକ ଲୋକ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି, ସେ ପକ୍ଷୀ ପାଇଁ କୁମ୍ଭୀରଟି ଉବର ପରି ଦିଶୁଛି। ଆଉ ଜଣେ ୟୁଜର କହିଛନ୍ତି, ଜଣେ ବନ୍ଧୁଙ୍କ ଅପେକ୍ଷା ଜଣେ ଶତ୍ରୁକୁ ନିକଟତର ରଖିବା ଉଚିତ୍। ଅନ୍ୟ ଜଣେ ୟୁଜର କହିଛନ୍ତି, ତୁମେ ଯେଉଁଠିକି ଯାଅ ନା କାହିଁକି ପାଦ ଓଦା ହେବ ନାହିଁ। ଆଉ ଜଣେ କହିଛନ୍ତି, ଏହି ପକ୍ଷୀକୁ ଦୁନିଆର ସବୁଠାରୁ ସାହସୀ ପକ୍ଷୀ ଭାବରେ ବିବେଚନା କରାଯିବ।
