ପ୍ରତିଦିନ ସୋସିଆଲ ମିଡିଆରେ କିଛି ନା କିଛି ଭିଡିଓ ଭାଇରାଲ ହୋଇଥାଏ। ସେଭଳି ଜୁଳୁଜୁଳିଆ ପୋକକୁ ଖାଇବା ପରେ ବେଙ୍ଗର ଅବସ୍ଥା କ’ଣ ହେଉଛି, ତାହାକୁ ନେଇ ଏକ ଭିଡିଓ ଏବେ ଭାଇରାଲ ହେଉଛି। ଟୁଇଟରରେ ଏହି ଭିଡିଓଟିକୁ ୮୪ହଜାରରୁ ଅଧିକ ଲୋକେ ଦେଖିସାରିଲେଣି।
୧୪ ସେକେଣ୍ଡର ଉକ୍ତ ଭିଡିଓରେ ଏକ ବେଙ୍ଗ କାନ୍ଥରେ ଲାଗି ରହିଥିବା ଦେଖାଯାଉଛି। କିଛି ସମୟ ପରେ ଅଚାନକ ତାଙ୍କ ପେଟରୁ ଲାଇଟ୍ ବାହାରିବା ପରି ମନେ ହେଉଛି। ଏହାପରେ ତାହା ବନ୍ଦ ହୋଇ ଯାଉଛି। ନିୟମିତ ବ୍ୟବଧାନରେ ଏଭଳି ହେବା ପରେ ବେଙ୍ଗଟି ଏକ ଜୁଳୁଜୁଳିଆ ପୋକକୁ ଖାଇଦେଇଥିବା ଜଣାପଡ଼ୁଛି। ହେଲେ ଦୁଇଦିନ ତଳେ ଭିଡିଓଟି ଶେୟାର କରାଯିବା ପରେ ଏଥିରେ ଭିନ୍ନ ପ୍ରତିକ୍ରିୟା ମିଳୁଥିବା ଦେଖାଯାଉଛି। କେହି କେହି ବେଙ୍ଗକୁ ଚାଇନିଜ୍ ବୋଲି କହୁଥିବା ବେଳେ କେହି କେହି ତାର ବ୍ୟାଟେରୀ ଲୋ ହୋଇଯାଇଥିବା କହୁଛନ୍ତି। ଏପରି କିଛି ଭିଡିଓ ଆଗରୁ ଭାଇରାଲ ହୋଇ ନ ଥିବାରୁ ଲୋକେ ଏହାକୁ ବେଶ ପସନ୍ଦ କରୁଛନ୍ତି।