ଭୁବନେଶ୍ୱର,୬।୧୧: ଇଡ୍କୋ ଜୁନିୟର ମ୍ୟାନେଜରଙ୍କ ଘରେ ଭିଜିଲାନ୍ସ ଚଢ଼ାଉ କରି ଜବତ କରିଛି ପୁଳା ପୁଳା ସମ୍ପତ୍ତି। ସବୁ କବାଟ, ଝରକା, ଆଲମିରାରେ ସବୁଆଡ଼େ ଲାଗିଛି ଡିଜିଟାଲ୍ ଲକର୍। ପ୍ରଚୁର ଟଙ୍କା ଖର୍ଚ୍ଚ କରି ୭ହଜାର ବର୍ଗଫୁଟରେ ୩ ମହଲା ଘର କରିଥିବା ବେଳେ ଏହାର ଦାମ୍ ପ୍ରାୟ ୧୦ କୋଟିରୁ ଅଧିକ ହେବ ବୋଲି କୁହାଯାଉଛି।
ଏହି ଘର ଏତେ ବିଳାଶପୂର୍ଣ୍ଣ ଥିଲା ତାହା ଏଥିରୁ ଅନୁମାନ କରିହେବ ଯେ, ଏଠାରେ ୩୨ ଟା ଫ୍ୟାନ୍ ୧୨ ଟା ଏସି ଲାଗିଛି। କେବେଳ ଏତିକି ନୁହେଁ ଦୁର୍ନୀତିଗ୍ରସ୍ତ ବାବୁଙ୍କ ଗେଟରେ ମଧ୍ୟ ଲାଗିଛି ସେନ୍ସର। ସ୍ୱିଚ୍ ଚିପିଲେ ଗେଟ୍ ବନ୍ଦ ସ୍ୱିଚ୍ ଚିପିଲେ ଖୋଲୁଛି।
ବର୍ତ୍ତମାନ ସୁଦ୍ଧା ମିଳିଥିବା ସୂଚନା ଅନୁଯାୟୀ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଜୁନିୟର ମ୍ୟାନେଜର ବିଜୟ ଉଦୟସିଂହଙ୍କ ଘର ସମେତ ୬ଟି ସ୍ଥାନରେ ଏକକାଳୀନ ରେଡ୍ କରାଯାଇଥିଲା। ଚଢ଼ାଉ ପରେ ଭିଜିଲାନ୍ସ ପକ୍ଷରୁ ମିଳିଥିବା ସୂଚନା ଅନୁଯାୟୀ ବାବୁଙ୍କର ଭୁବନେଶ୍ବର ଆର୍ଯ୍ୟ ବିହାରରେ ୪ ମହଲା କୋଠା ରହିଛି,ଏହାର ଦାମ୍ ପ୍ରାୟ ୧୦ କୋଟିରୁ ଅଧିକ ହେବ। ସେହିଭଳି ପୁରୀରେ ଗୋଟିଏ ଫ୍ଲାଟ, ଭୁବନେଶ୍ବର ଓ ଖୋର୍ଦ୍ଧାରେ ୩ଟି ଘର ରହିଛି। ୩୩ ଲକ୍ଷର ବ୍ୟାଙ୍କ ଜମା ସହ ନଗଦ ସାଢ଼େ ୪ ଲକ୍ଷ ଟଙ୍କା ମଧ୍ୟ ଜବତ ହୋଇଛି।