ସେଲିବ୍ରିଟି ହୁଅନ୍ତୁ ଅବା ସାଧାରଣ ଲୋକ, ସମସ୍ତେ ନିଜ ପିଲାଙ୍କୁ ଭଲ ଶିକ୍ଷା ଦେବାକୁ ଚାହିଁଥାନ୍ତି। ଯେତେବେଳେ ସେହି ସ୍ବପ୍ନକୁ ପୂରଣ କରିବା ଲାଗି ଟଙ୍କା ହାତରେ ଥାଏ ତେବେ ଆକାଶ ବି ହାତ ମୁଠାରେ ଭଳି ଲାଗେ। ଆଜକୁ ୨୦ ବର୍ଷ ପୂର୍ବେ ବଲିଉଡ୍ ସେଲିବ୍ରିଟିମାନେ ନିଜ ପିଲାମାନଙ୍କୁ ଲାଇମ୍ ଲାଇଟ୍ରୁ ଦୂରରେ ରଖିବା ଲାଗି ତାଙ୍କୁ ବୋର୍ଡିଂ ସ୍କୁଲକୁ ପଠାଉଥିଲେ। ଏବେ କିନ୍ତୁ ସମୟ ବଦଳିଛି। ଅଧିକାଂଶ ସେଲିବ୍ରିଟିଙ୍କ ପିଲା ଏବେ ଗୋଟିଏ ସ୍କୁଲରେ ପଢ଼ୁଛନ୍ତି, ସେଇଟି ହେଲା ‘ଧୁରୁଭାଇ ଅମ୍ବାନୀ ଇଣ୍ଟରନ୍ୟାଶନାଲ ସ୍କୁଲ’।
ଐଶ୍ୱର୍ଯ୍ୟା ରାୟ ଏବଂ ଅଭିଷେକ ବଚ୍ଚନଙ୍କ ଝିଅ ଆରାଧ୍ୟା, ଶାହାରୁଖଙ୍କ ସାନ ପୁଅ ଅବରାମ ଖାଁ, ଆମିରଙ୍କ ପୁଅ ଆଝାଦ, ହ୍ରିତିକ ରୋଶନଙ୍କ ଦୁଇ ପୁଅ, ଶିଳ୍ପା ସେଟ୍ଟିଙ୍କ ପୁଅ ବିବାନ, ଫାରା ଖାଁଙ୍କ ତିନି ସନ୍ତାନ, ଲାରା ଦତ୍ତାଙ୍କ ପିଲା ଏହି ସ୍କୁଲରେ ପଢ଼ୁଛନ୍ତି। ସେହିଭଳି ଅନେକ ଷ୍ଟାରକିଡ୍ସ ଏଠାରୁ ନିଜର ପାଠପଢ଼ା ସମ୍ପୂର୍ଣ୍ଣ କରିସାରିଛନ୍ତି।
ଧୀରୁଭାଇ ଅମ୍ବାନୀ ସ୍କୁଲ ବିଶ୍ୱର ଶ୍ରେଷ୍ଠ ୧୦ ସ୍କୁଲରୁ ଗୋଟିଏ। ଏହି ସ୍କୁଲରେ ପ୍ରତି ୧୦ ଜଣ ଛାତ୍ରରେ ଜଣେ ଶିକ୍ଷକ ରହିଥାନ୍ତି। ପାଠପଢ଼ାରେ ଭଲ ହୋଇଥିବାରୁ ପରେ ଛାତ୍ରୀଛାତ୍ରମାନେ ବିଦେଶରେ ନିଜର ପାଠପଢ଼ା ବେଶ ସହଜରେ ଶେଷ କରିଥାନ୍ତି। ତେବେ ଏହି ସ୍କୁଲରେ ପ୍ରାଥମିକ ଏବଂ ମାଧ୍ୟମିକ ଲାଗି ଫିସ୍ ଏକରୁ ଦେଢ଼ ଲକ୍ଷ ରହିଥାଏ। ଉଚ୍ଚ ମାଧ୍ୟମିକ ଲାଗି ଚାରିରୁ ପାଞ୍ଚ ଲକ୍ଷ ଟଙ୍କା ଦେବାକୁ ପଡ଼ିଥାଏ। ଯଦି କେହି ପ୍ରଥମରୁ ଦଶମ ଯାଏ ଏଠାରେ ପଢ଼ାଇବାକୁ ଚାହାନ୍ତି ତେବେ ତାଙ୍କ ପାଖରେ ଅତିକମ୍ରେ ପଚାଶ ଲକ୍ଷ ରହିବା ଆବଶ୍ୟକ ପଡ଼ିଥାଏ।