ଧର୍ମଶାଳା,୨୨ା୨(ଡି.ଏନ.ଏ.): ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ଜାରକା ବ୍ଲକ୍ ପରିସସରରେ ଥିବା ପରିତ୍ୟକ୍ତ ଘରୁ ମଙ୍ଗଳବାର ଏକ ନରକଙ୍କାଳ ପୋଲିସ ଜବତ କରିଛି। ପିଲାମାନେ ସେଠାରେ ଖେଳୁଥିବା ବେଳେ ନରକଙ୍କାଳ ପଡ଼ିଥିବା ଦେଖିଥିଲେ। ପରେ ଲୋକେ ଜାଣି ପୋଲିସକୁ ଖବର ଦେଇଥିଲେ। ଧର୍ମଶାଳା ପୋଲିସ ପହଞ୍ଚତ୍ ଖପୁରୀ, କିଛି ହାଡ଼, ଚୁଟି ଓ କପଡ଼ା ଜବତ କରିଥିବା ଜଣାଯାଇଛି। ତେବେ ଏହି ନରକଙ୍କାଳ କାହାର ଏବଂ ଏହି ପରିତ୍ୟକ୍ତ ଘରକୁ କିଭଳି ଆସିଲା ସେ ନେଇ ପୋଲିସ ଅଧିକ ତଦନ୍ତ ଚଳାଇଛି।