କନ୍ଧମାଳ,୨୬।୮: ମକା ଫସଲ ଗୋରୁ ଖାଇଦେବାରୁ ଗାୟାଳଙ୍କୁ ଗୁଳି କରି ହତ୍ୟା କଲେ ଜମି ମାଲିକ। ଏଭଳି ଅଭାବନୀୟ ଘଟଣା ଘଟିଛି କନ୍ଧମାଳ ଜିଲା ବ୍ରାହ୍ମଣୀଗାଁ ଥାନା ଅନ୍ତର୍ଗତ ଖାରିଗୁଡ଼ା ଗାଁରେ । ମୃତ ବ୍ୟକ୍ତି ଜଣଙ୍କ ହେଲେ ବ୍ରାହ୍ମଣୀ ଗାଁର ମାଦି ପଡ୍ରା। ପୋଲିସ ଅଭିଯୁକ୍ତ ଆକାଶ ପଡ୍ରାକୁ ଗିରଫ କରିଛି।
ସୂଚନା ଅନୁଯାୟୀ, ଆକାଶ ଗାଁ ନିକଟରେ ଥିବା ଜମିରେ ମକା ଚାଷ କରିଥିଲେ। ମାଦି ସେହି ଜମି ନିକଟକୁ ଗୋରୁକୁ ଚରାଇବାକୁ ନେଇଥିଲେ। ମାଦିଙ୍କ ଗୋରୁ ମକା ଫସଲ ଖାଇ ଦେବାରୁ ଆକାଶ ଉତ୍ତ୍ୟକ୍ତ ହୋଇ ଦେଶୀ ବନ୍ଧୁକ ଆଣି ମାଦିଙ୍କୁ ଗୁଳିକରି ହତ୍ୟା କରିଥିଲେ।