ଆଜିକାଲି ସୋସିଆଲ ମିଡିଆରେ ଜଣେ ଦାନବୀର ଚୋରଙ୍କ ଭିଡିଓ ଭାଇରାଲ ହେବାରେ ଲାଗିଛି। ଛତିଶଗଡ଼ର ଦୁର୍ଗ ଏସ୍ପି ଡକ୍ଟର ଅଭିଷେକ ପଲ୍ଲବ ଏବଂ ଜଣେ ଚୋରଙ୍କ ମଧ୍ୟରେ ହୋଇଥିବା ବାର୍ତ୍ତାଳାପର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ଜଣେ ଚୋର ଗାଈ, କୁକୁର ଏବଂ ରାସ୍ତାରେ ରହୁଥିବା ଲୋକଙ୍କୁ କମ୍ବଳ ଦାନ କରିବା ବିଷୟରେ କହୁଛନ୍ତି।
କିଛି ଦିନ ପୂର୍ବରୁ ଦୁର୍ଗ ଜିଲା ପୋଲିସ ଭିଲାଇରେ ୪ଟି ଚୋରି ବିଷୟରେ ପ୍ରକାଶ କରିଥିଲା। ଏହି ସମୟରେ ଚୋରି ଘଟଣାରେ ସମ୍ପୃକ୍ତ ୫ଜଣଙ୍କୁ ପୋଲିସ ଗିରଫ କରିଥିଲା। ଯେଉଁଥିରେ ଜଣେ ନାବାଳକ ମଧ୍ୟ ସାମିଲ ହୋଇଥିଲେ। ଏଭଳି ପରିସ୍ଥିତିରେ ଯେତେବେଳେ ଚୋରିର ଖୁଲାସା ସମୟରେ ପୋଲିସ ଚାରିଜଣ ଅଭିଯୁକ୍ତଙ୍କୁ ଗଣମାଧ୍ୟମ ସମ୍ମୁଖରେ ଉପସ୍ଥାପନ କରିଥିଲା। ସେତେବେଳେ ଯାହା ଶୁଣିବାକୁ ମିଳିଲା ସେଥିରେ ସମସ୍ତେ ଆଶ୍ଚର୍ଯ୍ୟ ହୋଇଥିଲେ। ଏସ୍ପି ଅଭିଷେକ ପଲ୍ଲବ ପ୍ରତ୍ୟେକ ଥର ଭଳି ଚୋରଙ୍କଠାରୁ ପ୍ରତ୍ୟେକ ଚୋରିର କାରଣ ଜାଣିବାକୁ ଲାଗିଲେ। କେହି ମଦ୍ୟପାନ ପାଇଁ ଚୋରି ବିଷୟରେ, କେହି ଘର ଚଳାଇବା ପାଇଁ ଚୋରି କରିଥିବା କହିଥିଲେ। କିନ୍ତୁ ମଝିରେ ଜଣେ ଚୋର କହିଲେ ଯିଏ ଜୀବନ ଏବଂ ମାନବିକତାର ସେବା ପାଇଁ ଚୋରି କରୁଥିଲେ।
ଏହା ଶୁଣିବା ପରେ ଖବରଦାତା ସମ୍ମିଳନୀ ଚାଲିଥିବା ହଲ୍ରେ ନୀରବତା ପ୍ରକାଶ ପାଇଥିଲା। ଏହି ଚୋରଙ୍କ ବିଷୟରେ ଅଧିକ ଜାଣିବା ପାଇଁ ସମସ୍ତଙ୍କ ଭିତରେ ଉତ୍କଣ୍ଠା ପ୍ରକାଶ ପାଇଥିଲା। ଏହି ଚୋରଙ୍କ କଥା କହିବା ଶବ୍ଦ ଏବଂ ଶୈଳୀ ସମସ୍ତଙ୍କ ହୃଦୟକୁ ଛୁଇଁଥିଲା। ଏପରିକି ଏସ୍ପିଙ୍କ ହୃଦୟକୁ ମଧ୍ୟ ଛୁଇଁଥିଲା। ସମ୍ମିଳନୀରେ ଉପସ୍ଥିତ ଖବରଦାତାଙ୍କ ସମେତ ସମସ୍ତ ବରିଷ୍ଠ ପୋଲିସ କର୍ମଚାରୀ ହସିବା ବନ୍ଦ କରି ପାରି ନ ଥିଲେ। ଏହା ପରେ ଏହି ଭିଡିଓ ସୋସିଆଲ ମିଡିଆରେ ଏତେ ଭାଇରାଲ ହୋଇଥିଲା ଯେ, କିଛି ଘଣ୍ଟା ମଧ୍ୟରେ ଏହା ଲକ୍ଷଲକ୍ଷ ଲୋକଙ୍କ ନିକଟରେ ପହଞ୍ଚିଥିଲା। ଫଳରେ ଏହି ଚୋର ରାତାରାତି ଚୋରରୁ ହିରୋ ପାଲଟି ଯାଇଥିଲେ।