‘ଫୁକ୍ରେ’ ଷ୍ଟାର ପୁଲକିତ ସମ୍ରାଟ ବହୁତ ମଜାଳିଆ ସ୍ବଭାବର। ‘ସନମ୍ ରେ’ ଏବଂ ପାଗଲପନ୍ତି ପରି ଫିଲ୍ମରେ ସେ ନିଜର ଅଭିନୟ ପାଇଁ ଚର୍ଚ୍ଚାରେ ରହିଛନ୍ତି। ନିକଟରେ ପୁଲକିତ ସୋସିଆଲ ମିଡିଆରେ ଏକ ମଜାଳିଆ ଭିଡିଓ ଶେୟାର କରିଛନ୍ତି। ଏଥିରେ ତାଙ୍କୁ ଝିଅ ହୋଇ ‘ପଲୋ ଲଟ୍କେ…’ ଗୀତରେ ନୃତ୍ୟ କରୁଥିବାର ଦେଖିବାକୁ ମିଳୁଛି। ଏହି ଭିଡିଓ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ପୁଲକିତ ତାଙ୍କ ଗର୍ଲଫ୍ରେଣ୍ଡ୍ କ୍ରିତି ଖରବନ୍ଦାଙ୍କ ଠାରୁ ଏକ ସର୍ତ୍ତରେ ହାରିବା ପରେ ଏପରି କରିଥିବା ସେ କହିଛନ୍ତି। ଏହି ଭିଡିଓକୁ ସେ କ୍ରିତିଙ୍କୁ ଟ୍ୟାଗ୍ କରି କହିଛନ୍ତି, ଏବେ ତୁମକୁ ପ୍ରସ୍ତୁତ ରହିବାକୁ ପଡ଼ିବ।
ପୁଲକିତ ଏହି ଭିଡିଓକୁ ଏକ ଆପ୍ ମାଧ୍ୟମରେ ପ୍ରସ୍ତୁତ କରିଛନ୍ତି। ଅଭିନେତ୍ରୀଙ୍କ ଶରୀରରେ କେବଳ ସେ ନିଜର ମୁହଁକୁ ଲଗାଇଛନ୍ତି। ଭିଡିଓକୁ ଶେୟାର କରି ସେ କ୍ୟାପଶନରେ ଲେଖିଛନ୍ତି, ମୁଁ ଏହି ଭିଡିଓ ଶେୟାର କରୁଛି, କାରଣ ମୁଁ ସର୍ତ୍ତ ହାରିଛି। ଏଥିପାଇଁ ତୁମକୁ ଭରଣ କରିବାକୁ ପଡ଼ିବ ବୋଲି ମଧ୍ୟ ସେ ଲେଖିଛନ୍ତି। ଭିଡିଓକୁ ଦେଖିବା ପରେ ପ୍ରଶଂସକମାନେ ନିଜର ହସକୁ ରୋକିପାରୁ ନାହାନ୍ତି।