ଶ୍ର୍ରୀନଗର,୮।୮: ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ଏନ୍ଆଇଏ ପକ୍ଷରୁ ଜମ୍ମୁ-କଶ୍ମୀରର ୧୪ ଜିଲାର ୫ ୫୦ ରୁ ଅଧିକ ଅଞ୍ଚଳରେ ଚଢ଼ାଉ ଜାରିି ରହିଛି। ଜମାତ୍-ଇ-ଇସ୍ଲାମ୍ ସଂଗଠନର ବିଭିନ୍ନ ଶାଖାରେ ଚଢ଼ାଉ କରାଯାଇଛି। ୨୦୧୯ରେ କେନ୍ଦ୍ର ସରକାରଙ୍କ ପକ୍ଷରୁ ଏହି ସଂଗଠନ ବିରୋଧରେ ୫ ବର୍ଷ ଲାଗି ପ୍ରତିବନ୍ଧକ ଲଗାଯାଇଥିଲା। ତେବେ ମଧ୍ୟ ଜମ୍ମୁୂ-କଶ୍ମୀରରେ ବେଧଡ଼କ ଜମାତ୍-ଇ-ଇସ୍ଲାମ୍ ନିଜର କାର୍ଯ୍ୟ ଜାରି ରଖିଥିବା ଅଭିଯୋଗ ହୋଇଛି। ଶ୍ରୀନଗର, ବୁଡଗାମ, ଗାନ୍ଦରଓ୍ବଲ, ବାରମୁଳା, କୁପୱାରା, ବାନ୍ଦିପୁର, ଅନନ୍ତନାଗ, ଶୋପିଆନ, ପୁଲୱାମା, କୁଲଗାମ, ରାମବାଣ, ଦୋଡା, କିଶତଓ୍ବାଡ, ରାଜୌରୀ ଆଦି ଅଞ୍ଚଳରେ ଚଢ଼ାଉ ଜାରି ରହିଛି। ସ୍ବାସ୍ଥ୍ୟ ସେବା ଏବଂ ଶିକ୍ଷାଦାନ ନାମରେ ପାକିସ୍ତାନର ଗୁପ୍ତଚର ଏଜେନ୍ସି ଆଇଏସ୍ଆଇ ସହଯୋଗରେ ଦୁବାଇ ଏବଂ ତୁର୍କୀ ଭଳି ଦେଶରୁ ଅର୍ଥ ସଂଗ୍ରହ କରାଯାଇ ଆତଙ୍ତକବାଦୀଙ୍କୁ ପାଣ୍ଠି ଯୋଗାଇ ଦିଆଯାଉଥିବା ଅଭିଯୋଗ ହୋଇଛି। ଜମାତ୍-ଇ-ଇସ୍ଲାମ୍ ସହିତ ଲଶ୍କର-ଇ-ତୋଏବା, ହିଜବୁଲ ମୁଜାହିଦ୍ଦିନ ଏବଂ ଜୈଶ-ଇ-ମହମ୍ମଦ ଭଳି ଆତଙ୍କବାଦୀ ସଂଗଠନ ସହିତ ସମ୍ପର୍କ ରହିଛି। ଏସବୁ ଆତଙ୍କବାଦୀ ସଂଗଠନକୁ ଜମାତ୍-ଇ-ଇସ୍ଲାମ୍ ପାଣ୍ଠି ଯୋଗାଇ ଦିଆଯାଉଥିବା ଅଭିଯୋଗ ହୋଇଛି।