ସୋସିଆଲ ମିଡିଆରେ ବେଳେବେଳେ ଅନେକ ମଜାଳିଆ ଭିଡିଓ ଭାଇରାଲ ହୋଇଥାଏ। ଯାହାକୁ ଲୋକେ ବାରମ୍ବାର ଦେଖିବାକୁ ଇଚ୍ଛା ପ୍ରକାଶ କରିଥାନ୍ତି। ଏବେ ସେମିତି ଏକ ଭିଡିଓ ଭାଇରାଲ ହେଉଛି।
ଯେଉଁଥିରେ ଜଣେ ମା’ ନିଜ ପିଲାମାନଙ୍କ ସହିତ ଖେଳୁଛନ୍ତି। ଏହି ଖେଳ ଟିକେ ନିଆରା। ଭିଡିଓରେ ଦୁଇ କୁନିକୁନି ପିଲା ଖେଳୁଛନ୍ତି। ମା’ ଏକ ଚାଦର ଘୋଡ଼େଇ ହୋଇ ଆଣ୍ଠେଇ ଆଣ୍ଠେଇ ଆସି ଜଣକ ପରେ ଜଣକୁ ଏହି ଚାଦର ଭିତରକୁ ଟାଣି ନେଉଛନ୍ତି। ପ୍ରଥମେ ଜଣେ କୁନି ପିଲାକୁ ନେବା ପରେ ଦ୍ୱିତୀୟ ଜଣକ ଦେଖି ଭୟରେ ପଳାଉଥିଲା। ତା’ ପରେ ଆଉ ଟିକେ ପାଖକୁ ଆଣ୍ଠେଇ ଆସି ତାକୁ ମଧ୍ୟ ଭିତରକୁ ଟାଣି ନେଉଛନ୍ତି ମା’। ଭିଡିଓଟି ବେଶ୍ କୌତୂକିଆ ହୋଇଛି। ଭିଡିଓ ବ୍ୟାକ୍ଗ୍ରାଉଣ୍ଡରେ ଏକ ରାକ୍ଷସ ମ୍ୟୁଜିକ୍ ବାଜୁଛି।
ଚିୟରଫୁଲ୍ କଙ୍ଗାରୁ ନାମକ ଏକ ଇନ୍ଷ୍ଟାଗ୍ରାମ ଆକାଉଣ୍ଟରେ ଏହି ଭିଡିଓଟି ଶେୟାର କରାଯାଇଛି। ଭିଡିଓକୁ ୫୩.୩ ନିୟୁତ ଅର୍ଥାତ୍ ୫ କୋଟିରୁ ଅଧିକ ଥର ଦେଖାଯାଇଥିବାବେଳେ ଏହାକୁ ୪ ଲକ୍ଷରୁ ଅଧିକ ଲୋକ ଲାଇକ୍ କରିଛନ୍ତି। ଲୋକମାନେ ଭିଡିଓ ଉପରେ ବିଭିନ୍ନ ପ୍ରତିକ୍ରିୟା ଦେଇଛନ୍ତି। ଜଣେ ୟୁଜର କହିଛନ୍ତି, ଏହି ଖେଳ ପିଲାମାନଙ୍କ ପାଇଁ ଭଲ ନୁହେଁ ଏବଂ ଭୟଙ୍କର ମଧ୍ୟ। ସେହିପରି ଆଉ କିଛି ୟୁଜର କହିଛନ୍ତି, ଯେତେବେଳେ ମା’ଙ୍କ ସହ ଚାଦର ତଳେ ଥିବା ଦେଖିବେ ପିଲାମାନେ ଅସଲ ଖେଳର ମଜା ପାଇବେ।