ସୋସିଆଲ ମିଡିଆରେ କେତେବେଳେ କ’ଣ ଭାଇରାଲ ହେଉଛି ତା’ର ଠିକଣା ନାହିଁ। କିଛି ଭିଡିଓ ଦେଖି ଲୋକେ ହସିହସି ଗଡ଼ିଯାନ୍ତି। ଠିକ୍ ଏବେ ଏମିତି ଏକ ଭିଡିଓ ଭାଇରାଲ ହେଉଛି ଯାହାକୁ ସାଧାରଣ ଲୋକଙ୍କଠାରୁ ଆରମ୍ଭ କରି କେନ୍ଦ୍ରମନ୍ତ୍ରୀ, ଆଇଏଏସ୍ ଅଫିସର ପର୍ଯ୍ୟନ୍ତ ଶେୟାର କରିବା ସହ କୌତୂହଳ ପୂର୍ଣ୍ଣ କମେଣ୍ଟ ସବୁ ଦେଇଛନ୍ତି। ଭିଡିଓ ଦେଖିଲେ ଆପଣ ମଧ୍ୟ ହସିହସି ଗଡ଼ିବେ।
How employees perform in March.😅#मार्चक्लोज़िंग pic.twitter.com/K8NXXhNUyH
— Awanish Sharan (@AwanishSharan) March 12, 2021
କୌଣସି ଏକ ସଙ୍ଗୀତ କାର୍ଯ୍ୟକ୍ରମର ଏହି ଭିଡିଓଟି ଭାଇରାଲ ହେଉଛି। ଯେଉଁଥିରେ ଜଣେ କଣ୍ଠଶିଳ୍ପୀଙ୍କ ହାସ୍ୟପୂର୍ଣ୍ଣ ଭାବ ଏବଂ ଉତ୍ସାହ ଦେଖି ବାଦ୍ୟଯନ୍ତ୍ର ବଜାଉଥିବା ଲୋକେ ଦେଖି ହସିହସି ଗଡୁଛନ୍ତି। ଭିଡିଓ ସାମ୍ନାକୁ ଆସିବା ପରେ ଅଧିକାଂଶ ଲୋକ ଶେୟାର କରିଛନ୍ତି।
ଭିଡିଓରେ ୪ ସଙ୍ଗୀତକାର ଗୋଟିଏ ମଞ୍ଚରେ ବସିଥିବା ନଜର ଆସିଛନ୍ତି। ସମସ୍ତେ ପାରମ୍ପରିକ କପଡ଼ା ପିନ୍ଧିଛନ୍ତି। ଏଥିସହିତ ତାବଲା ଏବଂ ହାରମୋନିୟମ ସହିତ ଅନ୍ୟାନ୍ୟ ବାଦ୍ୟଯନ୍ତ୍ର ବଜାଉଛନ୍ତି। ଟୁଇଟରରେ ଏହି ଭିଡିଓ ଭାଇରାଲ ହେବା ପରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ତାଙ୍କ ଟୁଇଟର ପେଜ୍ରେ ଶେୟାର କରିଛନ୍ତି। ସେ କ୍ୟାପଶନରେ ଲେଖିଛନ୍ତି, ଯେତେବେଳେ ଆପଣଙ୍କ ସିଏ(CA) ସାଙ୍ଗମାନେ ମାର୍ଚ୍ଚ ମାସ ଶେଷରେ କାମ କରନ୍ତି ସେମାନେ ଏହିପରି ଦେଖାଯାନ୍ତି।
ମୁମ୍ବାଇ ପୋଲିସ ମଧ୍ୟ ଏହି ଭିଡିଓଟକୁ ସୋସିଆଲ ମିଡିଆରେ ଶେୟାର କରିଛି। ଏଥିରେ କ୍ୟାପଶନ ଲେଖାଯାଇଛି, ହ୍ୟାକର୍ସ, ଯେତେବେଳେ ଦୁର୍ବଳ ପାସଓ୍ବାର୍ଡ ଯୋଗୁ ଆପଣଙ୍କ ଆକାଉଣ୍ଟରେ ପ୍ରବେଶ କରନ୍ତି। ଏପରି ଖୁସି ଦେଖିବାକୁ ମିଳେ।
ସେହିପରି ଆଇଏସ୍ ଅଧିକାରୀ ଅବନୀଶ ଶରଣ ଟୁଇଟରରେ ଭିଡିଓଟି ଶେୟାର କରି ମଜାଳିଆ କମେଣ୍ଟ ଦେଇଛନ୍ତି। ସେ ଲେଖିଛନ୍ତି, ମାର୍ଚ୍ଚ ମାସରେ କର୍ମଚାରୀମାନେ କାମର ପ୍ରଦର୍ଶନ କରିବା ପରି ଉତ୍ସାହ ଦେଖିବାକୁ ମିଳିଛି।
