ଦୁନିଆରେ କିଛି ସ୍ବତନ୍ତ୍ର ଘଟଣା ଘଟିଲେ ସୋସିଆଲ ମିଡିଆରେ ତାର ଚର୍ଚ୍ଚା ନିହାତି ଭାବେ ହୋଇଥାଏ। ବେଳେବେଳେ ସେଥିରୁ କିଛି ହୃଦୟସ୍ପର୍ଶୀ ହୋଇଥିବା ବେଳେ କିଛି ଆଶ୍ଚର୍ଯ୍ୟ କରିଥାଏ। ଏହି କ୍ରମରେ ଏବେ ସୋସିଆଲ ମିଡିଆରେ ଚର୍ଚ୍ଚାର କାରଣ ପାଲଟିଛି ଏକ ବିବାହ କାର୍ଡ। କାରଣ ଏହି ବିବାହ କାର୍ଡଟି ସାଧାରଣ ନୁହେଁ। ବରଂ ଲୋକଙ୍କ ଦୃଷ୍ଟି ଆକର୍ଷଣ କରିବା ପାଇଁ ଏହାକୁ ଆକର୍ଷଣୀୟ କରାଯାଇଛି।
ବିବାହ ପୂର୍ବରୁ ଅତିଥିମାନଙ୍କୁ ନିମନ୍ତ୍ରଣ କରିବା ପାଇଁ କାର୍ଡ ଛପା ଯାଇଥାଏ। ହେଲେ ଆଜିକାଲି ବିବାହ କାର୍ଡକୁ ସ୍ବତନ୍ତ୍ର କରାଯାଉଛି। କେହି ଡ୍ରାଏ ଫ୍ରୁଟ୍ସ ଥିବା ଓ୍ବେଡିଂ କାର୍ଡ ଛାପୁଥିବା ବେଳେ କିଛି ଅଜବ ଜିନିଷ ଉପରେ ନିମନ୍ତ୍ରଣ ପତ୍ର ଛପାଇଥାନ୍ତି। ସେହିଭଳି ଏହି ବିବାହ କାର୍ଡ ସ୍କେଲରେ ଛପା ଯାଇଛି। ଚିତ୍ରକୁ ଦେଖିଲେ ଲାଗୁଛି ଯେପରି ଜଣେ ବଙ୍ଗୀୟ ଦମ୍ପତି ବିବାହ କରୁଛନ୍ତି। ବିବାହରେ ଅତିଥିମାନଙ୍କ ପାଇଁ ଛପା ଯାଇଥିବା ମେନୁ କାର୍ଡର ସୃଜନଶୀଳତାକୁ ଦେଖି ଲୋକମାନେ ଆଶ୍ଚର୍ଯ୍ୟ ହେଉଛନ୍ତି। ମେନୁ କାର୍ଡ ୩୦ ସେମି ଲମ୍ବ ଏକ କାଠ ଉପରେ ମୁଦ୍ରିତ ହୋଇଛି। ବିବାହରେ ପରିବେଷଣ କରାଯାଉଥିବା ଖାଦ୍ୟର ତାଲିକା ସେଥିରେ ରହିଛି। ଖାଦ୍ୟରେ ମାଛ କାଲିଆ, ଭଜା ଚାଉଳ, ମଟନ ମସାଲା ଏବଂ ଆମ୍ବ ଚଟଣି ଅନ୍ତର୍ଭୁକ୍ତ ରହିଛି।
କୁହାଯାଉଛି ଯେ ଏହି କାର୍ଡ ପୁରୁଣା, କିନ୍ତୁ ଆଜିକାଲି ସୋସିଆଲ ମିଡିଆରେ ଏନେଇ ଆଲୋଚନା ହେଉଛି। ଏହି ଚିତ୍ର ଟ୍ବିଟରରେ ‘@ବାବୁମୋଶୋଇ’ ନାମକ ଏକ ଆକାଉଣ୍ଟରୁ ଶେୟାର କରାଯାଇଛି। ଚିତ୍ର ସହିତ ବଙ୍ଗଳାରେ କ୍ୟାପଶନ ଲେଖାଯାଇଛି।