ଜି.ଉଦୟଗିରି,୯ା୧(ଶିଶିର ପଟ୍ଟନାୟକ): ରାଜ୍ୟର ଶୀତଳ ସହର ଜି.ଉଦୟଗିରି ସହରରେ ୧୫ ଦିନ ହେବ ଶୀତର ପକୋପ ଜାରି ରହିଛି । ଗୁରୁବାର ସର୍ବନିମ୍ନ ତାପମାତ୍ରା ୫. ୨ ଡିଗ୍ରୀ ରହିଛି । ରାଜ୍ୟର ସବୁଠାରୁ ଶୀତର ସହର ଭାବେ ଆଜି ମଧ୍ୟ ଚିହ୍ନଟ ହୋଇଛି। ଅଧିକାଂଶ ସମୟରେ ରାଜ୍ୟର ସବୁଠାରୁ ସର୍ବନିମ୍ନ ତାପମାତ୍ରା ରହୁଥିବା ଯୋଗୁ ସରକାର ଜି. ଉଦୟଗିରିକୁ ଶୀତଳ ସହର ଭାବେ ଘୋଷଣା କରି ଏଠାରେ ଶୀତ ମହୋତ୍ସବ କରିବା ପାଇଁ ବ୍ୟବସାୟୀ ସଂଘ ସଭାପତି ସମୀର କୁମାର ପାଢୀ, ସମ୍ପାଦକ ଅରୁଣ କୁମାର ଶାଢଙ୍ଗୀ, ଯୋଗ ଗୁରୁ ବଟକୃଷ୍ଣ ଦାଶ, ମଟର କର୍ମଚାରୀ ସଂଘର ସଭାପତି ରାଜେନ୍ଦ୍ର ମହାପାତ୍ର। ହୋଟେଲଗୁଡ଼ିକ ତରଫରୁ ଗୋପାଳକୃଷ୍ଣ ମହାପାତ୍ର, କ୍ରିଷ୍ଣା କୁମାର ପଣ୍ଡା ପ୍ରମୁଖ ଦାବି କରିଛନ୍ତି ଏବଂ ଜି.ଉଦୟଗିରିକୁ ସ୍ବତନ୍ତ୍ର ଇକୋ ପର୍ଯ୍ୟଟନସ୍ଥଳୀ ଘୋଷଣା କରିବାକୁ ଦାବି କରିଛନ୍ତି। ପ୍ରବଳ ଶୀତ ଓ ଘନ କୁହୁଡ଼ି ଯୋଗୁ ସାଧାରଣ ଜୀବନ ଯାତ୍ରା ପ୍ରଭାବିତ ହେଉଛି। ଘନ କୁହୁଡ଼ି ଯୋଗୁ ଯାନବାହନ ଚଳାଚଳରେ ଅସୁବିଧା ହେଉଛି।
