ନୂଆଦିଲ୍ଲୀ,୫।୯: ଜି-୨୦ ଶିଖର ସମ୍ମିଳନୀ ପାଇଁ ସଦସ୍ୟ ଦେଶର ନେତାମାନେ ଭାରତ ଗସ୍ତ କରୁଛନ୍ତି। ଏହି ଯାତ୍ରା ସମୟରେ ପ୍ରତିନିଧୀଙ୍କ ସହ ସେମାନଙ୍କର ସହଧର୍ମିଣୀ ମାନେ ମଧ୍ୟ ଦିଲ୍ଲୀରେ ଉପସ୍ଥିତ ରହିବେ। ଇଣ୍ଡିଆନ ଏକ୍ସପ୍ରେସ ସୂତ୍ରରୁ ପ୍ରକାଶ ଯେ ଜି -୨୦ ଶିଖର ସମ୍ମିଳନୀରେ ପ୍ରତିନିଧୀଙ୍କ ସହଧର୍ମିଣୀ ମଧ୍ୟ କିଛି କାର୍ଯ୍ୟକ୍ରମରେ ଅଂଶଗ୍ରହଣ କରିବେ। ଏମାନେ ଭାରତୀୟ କୃଷି ଅନୁସନ୍ଧାନ ପ୍ରତିଷ୍ଠାନ (ଆଇଏଆରଆଇ), ପୁଷାରେ ବାଜରା ଫାର୍ମ(ଖେତ) ବା ମିଲେଟ ଫାର୍ମ ପରିଦର୍ଶନ କରିବେ ଏବଂ ସେଠାରେ କୃଷି ସମ୍ବନ୍ଧୀୟ ପ୍ରଦର୍ଶନୀ ଉପଭୋଗ କରିପାରିବେ।
ଏହା ବ୍ୟତୀତ ନ୍ୟାଶନାଲ ଗ୍ୟାଲେରୀ ଅଫ ମଡର୍ନ ଆର୍ଟ (NGMA) ରେ ପାରମ୍ପାରିକ ରିସେପ୍ସନ ଏବଂ ମଧ୍ୟାହ୍ନ ଭୋଜନ ଠାରୁ ଆରମ୍ଭ କରି ଭାରତୀୟ ହସ୍ତଶିଳ୍ପ ପ୍ରଦର୍ଶନୀରେ ସପିଂ ପର୍ଯ୍ୟନ୍ତ ବିଭିନ୍ନ ବ୍ୟବସ୍ଥା କରାଯାଇଛି।