ଧର୍ମଶାଳା,୨୦ା୬(ବଟକୃଷ୍ଣ ପରିଡ଼ା ): ମଙ୍ଗଳବାର ଶ୍ରୀଗୁଣ୍ଡିଚା । ଧର୍ମଶାଳା ବ୍ଲକର ଗଡମଧୁପୁରର ପ୍ରସିଦ୍ଧ ଜଗନ୍ନାଥ ମନ୍ଦିର ପକ୍ଷରୁ ରଥଯାତ୍ରା ଅନୁଷ୍ଠିତ ହୁଏ । ପରମ୍ପରା ଅନୁଯାୟୀ ଗଡମଧୁପୁର ଜଗନ୍ନାଥ ମନ୍ଦିର ବଡଦାଣ୍ଡରେ ରାଜା ଛେରାପହଁରା କରିଥାନ୍ତି । ତେବେ ଗଡମଧୁପୁରର ଶେଷ ରାଜା କୃଷ୍ଣପ୍ରକାଶ ଧିରନାରାୟାଣଙ୍କ ପରିବାରରେ ପୁଅ ନ ଥିବାରୁ ତାଙ୍କ ଦେହାନ୍ତ ପରଠାରୁ ଝିଅ ଅପର୍ଣ୍ଣା ଧିରସିଂ ରାଜଭିଷେକ ହୋଇଛନ୍ତି । ଫଳରେ ରଥଯାତ୍ରା ସମୟରେ ପରମ୍ପରାରୁ ଦୃଷ୍ଟିରେ ରଖି ରାଣୀ ଅପର୍ଣ୍ଣା ଧିରସିଂ ଛେରା ପହଁରା କରିଥାନ୍ତି । ସେହିପରି ଧର୍ମଶାଳା ବ୍ଲକ ଅନ୍ତର୍ଗତ ଭାଲୁଖାଇସ୍ଥିତ ଜଗନ୍ନାଥ ମନ୍ଦିର ପକ୍ଷରୁ ମଙ୍ଗଳବାର ଘୋଷଯାତ୍ରା ମହାଆଡମ୍ବର ସହକାରେ ଅନୁଷ୍ଠିତ ହେବାକୁ କମିଟି ପକ୍ଷରୁ ସ୍ଥିର କରାଯାଇଛି।