ବଲାଙ୍ଗୀର ଅଫିସ,୩୧ା୮: ଦୀର୍ଘ ଦୁଇ ବର୍ଷ ପରେ ଉତ୍ସବ ମୁଖର ହୋଇପଡ଼ିଛି ବଲାଙ୍ଗୀର ସହର। କରୋନା କଟକଣା ଯୋଗୁଁ ବିଭିନ୍ନ ଯାନିଯାତ୍ରା ବନ୍ଦ ହୋଇପଡ଼ିଥିଲା। କିନ୍ତୁ ଚଳିତ ବର୍ଷ ଗଣେଶ ପୂଜାରେ ଉତ୍ସବ ମୁଖର ହୋଇ ଉଠିଛି।
ବଲାଙ୍ଗୀର ସରକାରୀ ଆୟୁର୍ବେଦିକ କଲେଜରେ ବହୁତ ଧୂମ୍ଧାମରେ ପୂଜା ପାଳିତ ହୋଇଯାଇଛି। ଏହି ପବିତ୍ର ଗଣେଶ ପୂଜା ଅବସରରେ କଲେଜ ପରିସରରେ ଛାତ୍ର ସଂସଦର ସଂଘ କାର୍ଯ୍ୟାଳୟ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ଡା ଅରୁଣ କୁମାର ଦାଶ ଉଦ୍ଘାଟନ କରିଥିଲେ। ଛାତ୍ର ପ୍ରତିନିଧି ଉପସଭାପତି ସନ୍ଦୀପ ମେହେର, ସାଧାରଣ ସମ୍ପାଦକ ବୁଲୁ ମେହେର, ଉପଦେଷ୍ଟା ପ୍ରଫେସର ଡାକ୍ତର ମନୋଜ କୁମାର ସାହୁ, ସହ ଉପଦେଷ୍ଟା
ସୁଶାନ୍ତ ମେହେର, ଡାକ୍ତର ଅମ୍ବୁଜ ବିଶ୍ୱାଳ ଉପସ୍ଥିତ ଥିଲେ। ଶିକ୍ଷାନୁଷ୍ଠାନର ଛାତ୍ରୀଛାତ୍ର ତଥା ଅଧ୍ୟାପକ, ଅଧ୍ୟାପିକାଙ୍କ ସମେତ କର୍ମଚାରୀ ଉପସ୍ଥିତ ଥିଲେ।
ଏହା ସହ ବଲାଙ୍ଗୀର ସହରର ସ୍ଥାନୀୟ ଆଇନ ମହାବିଦ୍ୟାଳୟ, ମହିଳା ମହାବିଦ୍ୟାଳୟ, ବଲାଙ୍ଗୀର ସରକାରୀ କଲେଜ, ରାଜେନ୍ଦ୍ର କଲେଜ ସମେତ ବିଭିନ୍ନ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନରେ ପୂଜା ପାଳିତ ହୋଇଯାଇଛି।