ରିଲାଏନ୍ସ ଇଣ୍ଡଷ୍ଟ୍ରିର ଚେୟାରମ୍ୟାନ ମୁକେଶ ଅମ୍ବାନୀ ସମଗ୍ର ବିଶ୍ୱରେ କୋଟିପତି ତାଲିକାରେ ଚତୁର୍ଥ ସ୍ଥାନରେ ରହିଛନ୍ତି। ଭାରତରେ ଏହି ତାଲିକାରେ ସେ ଶୀର୍ଷ ସ୍ଥାନ ଅଧିକାର କରିଛନ୍ତି। ମୁକେଶଙ୍କ ପାଖରେ ଅନେକ ମହଙ୍ଗା ଜିନିଷ ରହିଛି, ଯାହାର କଳ୍ପନା ମଧ୍ୟ ସାଧାରଣ ଲୋକ କରିପାରିବେ ନାହିଁ। ତାଙ୍କ ଘର ଆଣ୍ଟିଲିଆ ଦେଶର ସବୁଠାରୁ ମହଙ୍ଗା ଏବଂ ବିଳାସପୂର୍ଣ୍ଣ। ତାଙ୍କ ପାଖରେ ଥିବା ବିଏମ୍ଡବ୍ଲ୍ୟୁ କାରକୁ ସବୁଠାରୁ ମହଙ୍ଗା କାର ମଧ୍ୟରେ ଗଣାଯାଏ। ତେବେ ମୁକେଶଙ୍କ ପାଖରେ ଏକ ଜେଟ୍ ବିମାନ ରହିଛି, ଯାହାର ମୂଲ୍ୟ ୧ ମିଲିୟନ୍ ଡଲାର (୭,୪୬,୩୦,୦୦୦.୦୦ଟଙ୍କା) । ଖାଲି ସେତିକି ନୁହେଁ, ତାଙ୍କ ପାଖରେ ଏୟାରବସ୍ ୩୧୯ କର୍ପୋରେଟ ଜେଟ୍ ମଧ୍ୟ ରହିଛି। ଏହି ବିମାନରେ ସମସ୍ତ ପ୍ରକାର ବିଳାସପୂର୍ଣ୍ଣ ସୁବିଧା ରହିଛି। ଏଥିରେ ଏକ ମନୋରଞ୍ଜନ କ୍ୟାବିନ, ବିଳାସପୂର୍ଣ୍ଣ ସ୍କାଇ ବାର ସହ ଏକ ଖାସ୍ ଭୋଜନ କ୍ଷେତ୍ର ମଧ୍ୟ ରହିଛି। ଯେତେବେଳେ ଏହାକୁ କିଣାଯାଇଥିଲା, ସେତେବେଳେ ଏହାର ମୂଲ୍ୟ ୧୦୦ ମିଲିୟନ୍ ଡଲାର (ପାଖାପାଖି ୭,୪୬,୨୨,୫୦,୦୦୦) ଥିଲା। ୨୦୦୭ ମସିହାରେ ମୁକେଶ ସ୍ତ୍ରୀ ନୀତା ଅମ୍ବାନୀଙ୍କୁ ଏହି ଜେଟ୍ଟିକୁ ଉପହାର ରୂପେ ଦେଇଥିଲେ। ଏହି ଜେଟ୍ ବ୍ୟତୀତ ଅମ୍ବାନୀଙ୍କର ଆହୁରି ୨ଟି ବେସରକାରୀ ବିମାନ ‘ବୋଇଙ୍ଗ୍ ବିଜ୍ନେସ୍ ଜେଟ୍-୨’ ଏବଂ ‘ଫାଲକ୍ ୯୦୦ ଇଏକ୍ସ’ ରହିଛି। ମୁକେଶଙ୍କ ଏହି ଜେଟ୍ରେ ମିଟିଂ ମଧ୍ୟ ହୁଏ। ଏହି ଜେଟ୍ରେ ଏକା ସାଙ୍ଗରେ ୨୫ ଜଣ ଯାତ୍ରା କରିପାରିବେ। ଏଥିରେ ଇଣ୍ଟରନେଟ୍ ଠାରୁ ଆରମ୍ଭକରି ବାର୍ ପର୍ଯ୍ୟନ୍ତ ସବୁ ପ୍ରକାରର ସୁବିଧା ରହିଛି। ଏହି ଜେଟ୍ର ଭିତରକୁ ଭିନ୍ନ ଭିନ୍ନ ରଙ୍ଗରେ ସଜାଯାଇଛି। ବିଜ୍ନେସ୍ ମିଟିଂ ପାଇଁ ଏହି ଜେଟ୍ରେ ଏକ ସ୍ବତନ୍ତ୍ର ସୁବିଧା ରହିଛି। କୌଣସି ଫାଇଭ୍ଷ୍ଟାର ହୋଟେଲଠାରୁ ମଧ୍ୟ ଅଧିକ ସୁବିଧା ଏଠାରେ ରହିଛି।