ଛତ୍ରପୁର,୩।୧୧(ସନ୍ତୋଷ ପାଢ଼ୀ ): ପାର୍ବଣ ପରିପ୍ରେକ୍ଷୀରେ ଗଞ୍ଜାମ ଜିଲାରେ ଚାଲିଛି ଜୁଆଖେଳ। ଏନେଇ ପୋଲିସ ପକ୍ଷରୁ ସ୍ପେଶାଲ ଡ୍ରାଇଭ ଆରମ୍ଭ ହୋଇ ଜୁଆ ଖେଳ ଉପରେ ଚଢ଼ାଉ ଚାଲିଛି। ଅକ୍ଟୋବର ମାସରେ ଗଞ୍ଜାମ ପୋଲିସ ଜିଲାର ବିଭିନ୍ନ ଥାନା ଅଞ୍ଚଳରେ ଚାଲିିଥିବା ଜୁଆ ଖେଳ ଉପରେ ଚଢ଼ାଉ କରିଥିଲା। ଚଢାଉ ବେଳେ ପୋଲିସକୁ ସଫଳତା ମିଳିଛି।
ଗଞ୍ଜାମ ଏସ୍ପିଙ୍କ କାର୍ଯ୍ୟାଳୟ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ଅକ୍ଟୋବର ମାସରେ ୧୦୫ ଜୁଆ ଆଡ୍ଡା ଉପରେ ପୋଲିସ ଚଢାଉ କରିଥିଲା। ଚଢାଉ ବେଳେ ଅଧିକାରୀମାନେ ୫୩୫ ଜୁଆଡିଙ୍କୁ ଗିରଫ କରିଥିଲେ। ପୋଲିସ ତାଙ୍କଠାରୁ ୫୬ ବାଇକ୍ ସହ ୧୪ ଲକ୍ଷ ୫ ହଜାର ୫୮୦ ଟଙ୍କା ଜବତ କରିଛି।