ଭୁବନେଶ୍ୱର,୨୬।୧୨: ରାଜ୍ୟର ପ୍ରମୁଖ ଘରୋଇ ଶିକ୍ଷାନୁଷ୍ଠାନ ‘ଗିଫ୍ଟ ସ୍ବୟଂଶାସିତ କଲେଜ’ ପରିସରରେ ୧୨ତମ ଆଲୁମ୍ନି ମିଟ୍ ‘ଗାମେକ୍ସ-୨କେ୨୨’ ଅନୁଷ୍ଠିତ ହୋଇଯାଇଛି। ଏହି ପରିପ୍ରେକ୍ଷୀରେ ଗିଫ୍ଟରୁ ଉତ୍ତୀର୍ଣ୍ଣ ହୋଇ ବେଙ୍ଗାଲୁରୁ, ଦିଲ୍ଲୀ, ମୁମ୍ବାଇ, ନାଗପୁର, ହାଇଦ୍ରାବାଦ, କୋଲକାତା, ଚେନ୍ନାଇ ଓ ଭୁବନେଶ୍ୱର ଭଳି ସହରରେ ଅବସ୍ଥିତ କମ୍ପାନୀର ବିଭିନ୍ନ ସେକ୍ଟରରେ ନିଯୁକ୍ତି ପାଇଥିବା ଗିଫ୍ଟୟାନମାନେ ଯୋଗ ଦେଇଥିଲେ।
ଉକ୍ତ ସମାରୋହରେ ଗିଫ୍ଟର ଭାଇସ୍ ଚେୟାରମ୍ୟାନ ଡ. ପତିତପାବନ ପଣ୍ଡା, ଅଧ୍ୟକ୍ଷ ଡ. ସି.ଏଚ୍.ଭି.ଏସ୍.ପରମେଶ୍ୱର ରାଓ, ଡିନ୍ ଏକାଡେମିକ ଡ. ରବିନାରାୟଣ ପଣ୍ଡା, ଓଏସ୍ଡି ଇଂ. ସମୀର ରଞ୍ଜନ ପଣ୍ଡା, ରେଜିଷ୍ଟ୍ରାର ଡ. ମନୋରଞ୍ଜନ ମିଶ୍ର, ଡିନ୍ ଏସ୍ଡିପି ଡ. ରତିକାନ୍ତ ଦାଶଙ୍କ ସମେତ କାର୍ଯ୍ୟକ୍ରମ ଉପଦେଷ୍ଟା ପ୍ରଫେସର ମିନତୀ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ଉକ୍ତ କାର୍ଯ୍ୟକ୍ରମକୁ ହିମାଦ୍ରୀ ଓ ଲୋପିତା ପରିଚାଳନା କରିଥିବାବେଳେ ଶେଷରେ ଡିନ୍ ଏକାଡ଼େମିକ୍ ଡ. ଆର୍.ଏନ୍. ପଣ୍ଡା ଧନ୍ୟବାଦ ଅର୍ପଣ କରିଥିଲେ।