ରାଞ୍ଚି,୧।୯: ଗଣେଶ ପୂଜା ଅବସରରେ ଅନେକ ସ୍ଥାନରେ ଗଣେଶଙ୍କର ଭିନ୍ନ ପ୍ରକାର ପ୍ରତିମୂର୍ତ୍ତି ତିଆରି କରାଯାଇଛି। ଇତିମଧ୍ୟରେ ଝାଡ଼ଖଣ୍ଡରେ ଏକ ନିଆରା ମୂର୍ତ୍ତି ତିଆରି କରାଯାଇଥିବା ଦେଖିବାକୁ ମିଳିଛି। ଜାମଶେଦପୁରର ଏକ ପୂଜା ପଣ୍ଡାଲରେ ଗଣେଶଙ୍କ ଆଧାରକାର୍ଡ ତିଆରି ହୋଇଛି। ଏହି ଆଧାରକାର୍ଡରେ ଗଣେଶଙ୍କ ବ୍ୟକ୍ତିଗତ ବିବରଣୀ ଦିଆଯାଇଛି। ବାପାଙ୍କ ନାମ ଜାଗାରେ ମହାଦେବ ଲେଖାଯାଇଥିବା ବେଳେ ଠିକଣାରେ କୈଳାଶ ପର୍ବତ, ଟପ୍ ଫ୍ଲୋର୍, ମାନସରୋଭର ନଦୀ, କୈଳାଶ। ପିନ୍: ୦୦୦୦୦୧। ଜନ୍ମ ବର୍ଷ ସ୍ଥାନରେ ୦୧/୦୧/୬୦୦ସିଇ ଲେଖାଯାଇଛି। ଏଭଳି ଗଣେଶଙ୍କ ଆଧାରକାର୍ଡକୁ ନେଇ ଏବେ ଚାରିଆଡ଼େ ଚର୍ଚ୍ଚା। ସେହିପରି କୋଲକାତାର ଏକ ପୂଜା ମଣ୍ଡପରେ ଫେସ୍ବୁକ ଥିମ୍କୁ ନେଇ ମୂର୍ତ୍ତି ତିଆରି କରାଯାଇଥିବା ବେଳେ ଏହାକୁ ଦେଖି ଜାମଶେଦପୁର ପୂଜା କମିଟି ଆୟୋଜକ ସରଭ ଆକୃଷ୍ଠ ହୋଇଥିବା କହିଛନ୍ତି। ଏହି ନିଆରା ମୂର୍ତ୍ତି ଜରିଆରେ ତାଙ୍କ କମିଟି ସଦସ୍ୟ ଏକ ଜନମଙ୍ଗଳକାରୀ ବାର୍ତ୍ତା ଦେବାକୁ ଚାହୁଁଥିବା ସେ ପ୍ରକାଶ କରିଛନ୍ତି। ବର୍ତ୍ତମାନ ସମୟରେ ଆଧାରକାର୍ଡ ଏକ ପ୍ରମୁଖ ପରିଚୟପତ୍ର ପାଲଟିଥିବା ବେଳେ ଯେଉଁବ୍ୟକ୍ତିମାନେ ଏବେସୁଦ୍ଧା ନିଜର ଆଧାର କାର୍ଡ କରିନାହାନ୍ତି ସେମାନେ ତୁରନ୍ତ ଏହି କାର୍ଡ ବନାଇବା ଜରୁରୀ ବୋଲି ସେ ଗଣେଶଙ୍କ ଆଧାରକାର୍ଡ ମୂର୍ତ୍ତି ଜରିଆରେ ବାର୍ତ୍ତା ଦେବାକୁ ଚାହିଁଛନ୍ତି।
