ସମ୍ବଲପୁର,୨୦ା୮(ବ୍ୟୁରୋ)-ଚଳିତ ବର୍ଷ କରୋନା ଯୋଗୁ ଗଣେଶ ପୂଜା ଉପରେ କଟକଣା ଲଗାଯାଇଛି। ସର୍ବସାଧାରଣ ସ୍ଥାନ, ଶିକ୍ଷାନୁଷ୍ଠାନ, କ୍ଲବ ଗୁଡିକରେ ପୂଜା କରିବା ଉପରେ ରୋକ ଲଗାଯାଇଛି। ଘରେ ପରିବାର ସହ ପୂଜା କରିବାକୁ ଅନୁରୋଧ କରାଯାଇଛି। ଏ ନେଇ ଜିଲାପାଳ ଶୁଭମ ସକସେନା ନିର୍ଦ୍ଦେଶନାମା ଜାରି କରିଛନ୍ତି। ଯଦି ଏହାର ଖିଲାପ କରାଯାଏ ତେବେ ଆଇନ ଅନୁସାରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ଉଲ୍ଳେଖ ରହିଛି।
ସୂଚନାଯୋଗ୍ୟ, ସମ୍ବଲପୁର ଜିଲାରେ କରୋନା ସଂକ୍ରମଣ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ତେବେ ସାମାଜିକ ଦୂରତ୍ୱ ଓ କଟକଣା ପାଳନ କରି କିଛି ଅନୁଷ୍ଠାନ ପୂଜା କରିବା ପାଇଁ ପ୍ରସ୍ତୁତି କରୁଥିଲେ। ଜିଲାପାଳଙ୍କ ଏହି ନିର୍ଦ୍ଦେଶନାମା ପରେ ସେମାନେ ଏବେ ନିରାଶ ହୋଇ ପଡିଛନ୍ତି। ମୂର୍ତ୍ତିି କାରିଗର, ଟେଣ୍ଟ ମାଲିକ, ପୂଜା ଦୋକାନୀଙ୍କ ବ୍ୟବସାୟରେ ଏହାର ପ୍ରଭାବ ପଡିବ ବୋଲି ଜଣାପଡିଛି । କାରିଗର ମାନେ ବିକ୍ରି ହେବା ଆଶା ନେଇ କିଛି ମୂର୍ତ୍ତି ତିଆରି କରିଥିଲେ। ଏବେ ସେମାନେ ଚିନ୍ତାରେ ପଡି ଯାଇଛନ୍ତି।
