ମଧ୍ୟପ୍ରଦେଶ ନିର୍ବାଚନୀ ରାଜନୀତିରେ ଗଙ୍ଗାଜଳର ଏଣ୍ଟ୍ରି, ବୋତଲରେ କମଲନାଥଙ୍କ ଫଟୋ…

ଭୋପାଳ,୧୯।୧୦ : ଏବେ ମଧ୍ୟପ୍ରଦେଶ ନିର୍ବାଚନୀ ରାଜନୀତିରେ ଗଙ୍ଗାଜଳର ଏଣ୍ଟ୍ରି କରିଛି। ଦମୋହରେ ନିର୍ବାଚନ ଆୟୋଗ କମଲ ନାଥଙ୍କ ଫଟୋ ଥିବା ଗଙ୍ଗାଜଳ ବୋତଲ ଉଦ୍ଧାର କରିଛନ୍ତି। ଏଭଳି ଘଟଣା ଭାଜପା ପାଇଁ ନୂଆ କଥା ନୁହେଁ। କିନ୍ତୁ, ସମାନ ମାର୍ଗ ଅନୁସରଣ କରି ରାମ ଏବଂ କମଲ ନାଥଙ୍କ ସାହାଯ୍ୟ ନେଇ ଅନେକ କଂଗ୍ରେସ ନେତା ତଥା ରାଜ୍ୟର ବିଧାୟକମାନେ ରାମ କଥାର ପାରାୟଣ କରୁଛନ୍ତି। ନିର୍ବାଚନ ଆୟୋଗଙ୍କ ଦ୍ୱାରା ଗଠିତ ଟିମ ଏକ ଗାଡିରୁ ଗଙ୍ଗାଜଳ ବୋତଲ ଜବତ କରିଛନ୍ତି। ଏହି ବୋତଲଗୁଡିକରେ ପୂର୍ବତନ ସିଏମ କମଲ ନାଥ ଏବଂ ପାନ୍ନା ଜିଲାର ପୋୱାଇରୁ ଘୋଷିତ କଂଗ୍ରେସ ପ୍ରାର୍ଥୀ ମୁକେଶ ନାୟକଙ୍କ ଫଟୋ ରହିଛି।

ଆୟୋଗ ଦ୍ୱାରା ଗଠିତ ଏସଏସଟି ଏବଂ ଏଫଏସଟି ଦଳ କ୍ରମାଗତ ଭାବରେ ଦମୋହରେ ଯାନ ଯାଞ୍ଚ କରୁଛନ୍ତି।ଏହି କ୍ରମରେ, ଯେତେବେଳେ ଏହି ଟିମ ବୁଧବାର ବିଳମ୍ବିତ ରାତିରେ ଏକ କାରକୁ ଅଟକାଇଥିଲେ ଯାଞ୍ଚ ବେଳେ କାର ଭିତରୁ କିଛି ବୋତଲ ଜବତ କରାଯାଇଥିଲା। ଯେତେବେଳେ କାର୍‌ ଆରୋହୀଙ୍କୁ ପଚରାଗଲା, ସେ କହିଥିଲେ ଏହି ବୋତଲଗୁଡିକରେ ଗଙ୍ଗା ପାଣି ଅଛି । ଏହି କାରଟି ଭୋପାଳର ଜଣେ କଂଗ୍ରେସ ନେତାଙ୍କର ବୋଲି କୁହାଯାଉଛି।

ପିସିସି ମୁଖ୍ୟ କମଲ ନାଥ ଏବଂ ମୁକେଶ ନାୟକଙ୍କ ଫଟୋ ଗଙ୍ଗା ଜଳ ବୋତଲରେ ରହିଛି। ଏହା ବ୍ୟତୀତ କଂଗ୍ରେସର ନିର୍ବାଚନ ଚିହ୍ନ ମଧ୍ୟ ଏଥିରେ ଛପା ଯାଇଛି। ବୋତଲରେ ମଧ୍ୟ ଉଲ୍ଲେଖ ଅଛି ଯେ ଏହି ବୋତଲଗୁଡିକ କଂଗ୍ରେସର ନର୍ମଦା ହର ସେଲ ଦ୍ୱାରା ବଣ୍ଟନ କରାଯାଉଛି। ଏହାକୁ ନିର୍ବାଚନ ଆଚରଣ ବିଧି ଉଲ୍ଲଂଘନ ହେଉଥିବା ଦର୍ଶାଇ ଅନୁସନ୍ଧାନକାରୀ ଦଳ ୧୮ ବୋତଲ ଜବତ କରିଛନ୍ତି।