ମୁମ୍ବାଇ : ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟଙ୍କ ଅଭିନୀତ ବହୁ ପ୍ରତିକ୍ଷୀତ ଫିଲ୍ମ ଗାଙ୍ଗୁବାଇ କାଠିଆଓ୍ବାଡି ରିଲିଜ୍ ଡେଟ୍ ସାମ୍ନାକୁ ଆସିଲା। ଦର୍ଶକ ବହୁ ଦିନରୁ ଏହି ଫିଲ୍ମକୁ ଅପେକ୍ଷା କରିଥିଲେ। ଫିଲ୍ମଟି ଆସନ୍ତା ବର୍ଷ ଫେବୃୟାରୀ ୧୮ରେ ରିଲିଜ୍ ହେବାକୁ ଯାଉଛି। ପୂର୍ବରୁ ଏହା ଜାନୁଆରୀରେ ରିଲିଜ୍ ହେବାର ଥିଲା। ଫିଲ୍ମର ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ଥିଏଟର ଭଲଭାବେ ଖୋଲିବାର ଅପେକ୍ଷା କରିଥିଲେ। ଆଉ ଏବେ ଆସନ୍ତା ବର୍ଷ ଫେବୃୟାରୀରେ ଏହି ଫିଲ୍ମ ରିଲିଜ୍ କରିବାକୁ ନିଷ୍ପତ୍ତି ନେଇଛନ୍ତି । ଏହି ଫିଲ୍ମରେ ଆଲିଆ ଭଟ୍ଟ, ଅଭିନେତା ଅଜୟ ଦେବଗନଙ୍କ ସମେତ, ବିଜୟ ରାଜ , ଇନ୍ଦିରା ତିଓ୍ବାରୀ, ସିମା ପହଓ୍ବା ନଜର ଆସିବେ। ଏଥିରେ ଅଜୟ ଦେବଗନ ଏବଂ ଆଲିଆ ଭଟ୍ଟକୁ ପରଦାରେ ପ୍ରଥମ ଥର ପାଇଁ ଦର୍ଶକ ଦେଖିବାକୁ ପାଇବେ।