ବହୁ ପ୍ରତିକ୍ଷିତ ଫିଲ୍ମ ‘ଗଙ୍ଗୁବାଇ କାଠିଆୱାଡି’ର ଟ୍ରେଲର ରିଲିଜ ହୋଇଛି। ଫିଲ୍ମରେ ଲିଡ ରୋଲରେ ଆଲିଆ ଭଟ୍ଟ ଥିବାବେଳେ ତାଙ୍କ ଅପୋଜିଟ୍ରେ ଅଛନ୍ତି ଅଜୟ ଦେବଗନ। ଦମ୍ଦାର ଡାଏଲଗ, ଜବରଦସ୍ତ ଅଭିନୟ ସହ ଦର୍ଶକଙ୍କ ହୃଦୟ ଜିତିଛନ୍ତି ଅଭିନେତ୍ରୀ ଆଲିଆ ଭଟ୍ଟ। ହାତରେ ମଦ ବୋତଲ ଓ ଆଖିରେ କଳା ଚଷମା ଆଉ ଦେହରେ ଧଳା ଶାଢି ପିନ୍ଧି ଧାକଡ ଅନ୍ଦାଜରେ ଏଣ୍ଟ୍ରି କରିଛନ୍ତି ଗଙ୍ଗୁବାଈ ଓରଫ ଆଲିଆ। ସେପଟେ ଅଭିନେତା ଅଜୟ ଦେବଗନଙ୍କ ଆକ୍ସନ ଅନ୍ଦାଜ୍ ଟ୍ରେଲରରେ ଦେଖିବାକୁ ମିଳିଛି। ସଞ୍ଜୟ ଲୀଲା ବଂସାଲିଙ୍କ ନିର୍ଦ୍ଦେଶିତ ଫିଲ୍ମ ‘ଗଙ୍ଗୁବାଈ କାଠିଆୱାଡି’ ଫିଲ୍ମକୁ ନେଇ ଏବେ ପ୍ରଶଂସକଙ୍କ ମଧ୍ୟରେ ବେଶ ଉତ୍ସାହ ବଢିଯାଇଛି। ସୋସିଆଲ ମିଡିଆରେ ଲୋକେ ଟ୍ରେଲରକୁ ନେଇ ଭିନ୍ନ ଭିନ୍ନ କମେଣ୍ଟ ଦେଉଛନ୍ତି। ଫିଲ୍ମଟି ଆସନ୍ତା ୨୫ ତାରିଖରେ ବଡ ପରଦାରେ ରିଲିଜ ହେବ।