କ୍ରିକେଟ ବୋର୍ଡ ଅଫ ଇଣ୍ଡିଆ (ବିସିସିଆଇ) ସୌରଭ ଗାଙ୍ଗୁଲିଙ୍କୁ ଗୁରୁବାର କୋଲକାତାର ଉଡଲାଣ୍ଡ ଡାକ୍ତରଖାନାରୁ ଡିସଚାର୍ଜ କରାଯାଇଛି। ଡାକ୍ତରଖାନାରୁ ଡିସଚାର୍ଜ ହେବା ପରେ ସେ ତାଙ୍କ ପିଲାଦିନର ବନ୍ଧୁ ଜୟଦୀପଙ୍କୁ ଜୀବନର କଠିନ ସମୟରେ ତାଙ୍କ ପାଖରେ ଠିଆ ହୋଇଥିବାରୁ ଧନ୍ୟବାଦ ଦେଇଥିଲେ। ଗାଙ୍ଗୁଲି ତାଙ୍କ ବନ୍ଧୁଙ୍କୁ ଇନଷ୍ଟାଗ୍ରାମରେ ଏକ ଭାବପ୍ରବଣ ବାର୍ତ୍ତା ଲେଖିଛନ୍ତି, ଜୟଦୀପ ମୁଁ ତୁମକୁ ୪୦ ବର୍ଷ ଧରି ଜାଣିଛି ଏବଂ ତୁମେ ମୋ ପରିବାରର ଜଣେ ସଦସ୍ୟଠାର ସଦସ୍ୟ ଭଳି। କିନ୍ତୁ ତୁମେ ଗତ ୫ ଦିନ ହେବ ମୋ ପାଇଁ ଯାହା କରିଛ, ମୁଁ ଏହାକୁ ମୋ ଜୀବନସାରା ମନେ ରଖିବି ବୋଲି ଗାଙ୍ଗୁଲି କହିଛନ୍ତି। ଡାକ୍ତରଖାନା ଛାଡିବା ପରେ ଗାଙ୍ଗୁଲି ଗଣମାଧ୍ୟମ ସହ କଥା ହୋଇଥିଲେ। ସେ କହିଛନ୍ତି, ଆମେ ଜୀବନ ରକ୍ଷା କରିବାକୁ ଡାକ୍ତରଖାନାକୁ ଆସିଛୁ। ଏହା ସତ ସାବ୍ୟସ୍ତ ହୋଇଛି। ଉତ୍କୃଷ୍ଟ ଚିକିତ୍ସା ପାଇଁ ମୁଁ ଉଡ୍ଲାଣ୍ଡ ହସ୍ପିଟାଲ ଏବଂ ସମସ୍ତ ଡାକ୍ତରଙ୍କୁ ଧନ୍ୟବାଦ ଦେଉଛି। ମୁଁ ଠିକ ଅଛି, ଶୀଘ୍ର ଫେରିବାକୁ ଆଶା କରୁଛି। ୨୪ ଘଣ୍ଟା ଧରି ଦାଦାଙ୍କ ସ୍ବାସ୍ଥ୍ୟ ଉପରେ ନଜର ରଖାଯିବ ବୋଲି ଡାକ୍ତରଖାନାର ସିଇଓ ତଥା ଏମଡି ଡକ୍ଟର ରୁପାଲି ବସୁ କହିଛନ୍ତି। ବସୁ କହିଛନ୍ତି ଯେ ୪୮ ବର୍ଷ ବୟସ୍କା ଦାଦାଙ୍କ ପରବର୍ତ୍ତୀ ଡାକ୍ତରୀ ପରୀକ୍ଷା ୨-୩ ସପ୍ତାହ ପରେ ହେବ।