ଗାଙ୍ଗୁଲିଙ୍କ ପାକିସ୍ତାନ ପ୍ରେମ: ମୁଁ ଚାହୁଁଛି ପାକିସ୍ତାନ ସେମିଫାଇନାଲ ଖେଳୁ

ନୂଆଦିଲ୍ଲୀ,୯।୧୧: ଟିମ ଇଣ୍ଡିଆର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ବିଶ୍ୱକପ ୨୦୨୩ର ସେମିଫାଇନାଲକୁ ନିଜ ମତ ରଖିଛନ୍ତି। ପାକିସ୍ତାନ ସେମିଫାଇନାଲ ଖେଳୁ ବୋଲି ଗାଙ୍ଗୁଲି କହିଛନ୍ତି। ଗାଙ୍ଗୁଲିଙ୍କ ଇଚ୍ଛା ପଛରେ ଥିବା ଯୁକ୍ତି ହେଉଛି ଯଦି ପାକିସ୍ତାନ ସେମିଫାଇନାଲରେ ପ୍ରବେଶ କରେ ତେବେ ଏହା କେବଳ ଭାରତକୁ ସାମ୍ନା କରିବ। ସେମିଫାଇନାଲରେ ଭାରତ ବନାମ ପାକିସ୍ତାନ ମଧ୍ୟରେ ମ୍ୟାଚ ଅପେକ୍ଷା ଆଉ କ’ଣ ଭଲ ହୋଇପାରେ ବୋଲି ସେ କହିଛନ୍ତି।
୨୦୨୩ ବିଶ୍ୱକପରେ ଭାରତ, ଦକ୍ଷିଣ ଆଫ୍ରିକା ଏବଂ ଅଷ୍ଟ୍ରେଲିଆର ଦଳ ସେମିଫାଇନାଲରେ ପ୍ରବେଶ କରିଛନ୍ତି। ବର୍ତ୍ତମାନ କେବଳ ଗୋଟିଏ ସ୍ଥାନ ବାକି ଅଛି। ନ୍ୟୁଜିଲାଣ୍ଡ, ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ସେମିଫାଇନାଲ ରାସ୍ତା ଖୋଲା ଅଛି। ଚତୁର୍ଥ ଦଳକୁ ସେମିଫାଇନାଲରେ ଟିମ ଇଣ୍ଡିଆ ସହ ସାମ୍ନା କରିବାକୁ ପଡିବ। ଏବେ ଯଦି ପାକିସ୍ତାନ ଶେଷ ୪ ରେ ପହଞ୍ଚେ, ତେବେ ସେମିଫାଇନାଲରେ ଭାରତକୁ ଭେଟିବ।