ପୁରୁଷୋତ୍ତମପୁର,୧୪।୪(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁରର ପ୍ରସିଦ୍ଧ ମା’ ଦଣ୍ଡ କାଳୀଙ୍କ ୨୧ ଦିନିଆ ଦଣ୍ଡ ଯାତ୍ରା ବୁଧବାର ଉଦ୍ଯାପିତ ହୋଇଛି। ଏହା ମହା ବିଷୁବ ସଂକ୍ରାନ୍ତି ଓ ମେରୁ ଯାତ୍ରାରେ କରୋନା କଟକଣା ମଧ୍ୟରେ ଉଦ୍ଯାପିତ ହୋଇଛି। ମାତ୍ର କରୋନା ଲାଗି ଜିଲା ପ୍ରଶାସନ ପକ୍ଷରୁ ମେରୁ ଯାତ୍ରାକୁ ବାରଣ କରାଯାଇଥିବା ହେତୁ ଦଣ୍ଡ ଯାତ୍ରା ପରିଚାଳନା କମିଟି ପକ୍ଷରୁ ରାତିରେ ବିଧି ମୁତାବକ ପୂଜାର୍ଚ୍ଚନା କରାଯାଇଥିଲା। ଯାତ୍ରା ଉଦ୍ଯାପନ ପରେ ସକାଳୁ ମନ୍ଦିରଗୁଡିକୁ ବନ୍ଦ କରି ଦିଆଯାଇଛି। ଏହି ଯାତ୍ରାରେ ଲକ୍ଷାଧିକ ଭକ୍ତଙ୍କ ସମାଗମ ହେଉଥିବା ବେଳେ ଚଳିତ ବର୍ଷ ମେରୁ ପଡ଼ିଆ ଓ ଗୋପାଳ ବନ୍ଧ ସହ କାଳୀ ମନ୍ଦିର ଛକ, ବ୍ଲକ ବନ୍ଧ ସମ୍ପୂର୍ଣ୍ଣ ରୂପେ ଖାଁ ଖାଁ ହୋଇ ପଡ଼ିଛି।