ହିଞ୍ଜିଳିକାଟୁ,୫ା୧୨(ଡି.ଏନ୍.ଏ.): ଗଞ୍ଜାମ ଜିଲା ହିଞ୍ଜିଳିକାଟୁର ନୂତନ ଜେଏମ୍ଏଫ୍ସି କୋର୍ଟ କୋଠା ଆସନ୍ତା ମଙ୍ଗଳବାର (୮ ଡିସେମ୍ବର) ସନ୍ଧ୍ୟା ୫ରେ ଭିଡିଓ କନ୍ଫରେନ୍ସିଂ ଜରିଆରେ ଉଦ୍ଘାଟନ ହେବ। ଏଥିନେଇ ଓଡ଼ିଶା ହାଇକୋର୍ଟ ପକ୍ଷରୁ ଚିଠି ସଂଖ୍ୟା ୧୧୫୮୬ରେ ସୂଚିତ କରାଯାଇଛି। ମୁଖ୍ୟମନ୍ତ୍ରୀ ଏବଂ ହାଇକୋର୍ଟର ମୁଖ୍ୟ ବିଚାରପତି ଭିଡିଓ କନ୍ଫରେନ୍ସିଂରେ ଭାଗ ନେଇ ଏହି କୋର୍ଟ କୋଠାକୁ ଉଦ୍ଘାଟନ କରିବେ। ଉଦ୍ଘାଟନ ପୂର୍ବରୁ ଶନିବାର ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ହିଞ୍ଜିଳିକାଟୁ ଗସ୍ତ କରି କୋର୍ଟ କୋଠାର ତଦାରଖ କରିଛନ୍ତି।
ସୂଚନାଯୋଗ୍ୟ, ୨ ବର୍ଷ ତଳେ ନୂତନ କୋର୍ଟ କୋଠା ନିର୍ମାଣ ସରିଥିଲେ ମଧ୍ୟ ବିଭିନ୍ନ କାରଣରୁ ଉଦ୍ଘାଟନ ହୋଇ ପାରିନାହିଁ। ଶନିବାର ଜିଲାପାଳଙ୍କ ଗସ୍ତ ବେଳେ ବିଡିଓ ପ୍ରସନ୍ନ କୁମାର ପାତ୍ର, ମ୍ୟୁନିସିପାଲିଟି ନିର୍ବାହୀ ଅଧିକାରୀ ଡ. ମନୋରଞ୍ଜନ ସାହୁ, ତହସିଲଦାର ପ୍ରଭାତ କୁମାର ପରିଡ଼ା, ଜିଲା କୋର୍ଟର ରେଜିଷ୍ଟ୍ରାର ଅଭିତ ସୌରଭ କୁମାର ସେଠ୍, ହିଞ୍ଜିଳିକାଟୁ ଜେଏମ୍ଏଫ୍ସି କୋର୍ଟର ବିଚାରପତି ରାଜଶ୍ରୀ ପଟ୍ଟନାୟକ, ଓକିଲ ସଂଘ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
