ଗଞ୍ଜାମ,୩୧।୧୦(ବିଦ୍ୟାଧର ସାହୁ )ଗଞ୍ଜାମ ଏନଏସିର ନୂତନ କାର୍ଯ୍ୟନିର୍ବାହୀ ଅଧିକାରୀ ଭାବେ ଅପର୍ଣ୍ଣା ଡାଙ୍ଗୁଆ ମଙ୍ଗଳବାର ଦାୟିତ୍ୱ ଗ୍ରହଣ କରିଛନ୍ତି । ସେ ପୂର୍ବରୁ ରଣପୁର ଏନଏସିରେ ଇଓ ଭାବେ ଦାୟିତ୍ୱ ତୁଲାଉ ଥିଲେ। ପୂର୍ବରୁ ଏହି ଏନଏସିର ଇଓ ଅବିନାଶ ମିଶ୍ର ଅତିରିକ୍ତ ତହସିଲଦାର ଭାବେ ପଦୋନ୍ନତି ପରେ ଛତ୍ରପୁର ଇଓ ଦାୟିତ୍ୱରେ ଥିଲେ । ନୂତନ ଇଓ ଡାଙ୍ଗୁଆ ଦାୟିତ୍ୱ ନେବା ପରେ ଏନଏସି ସମସ୍ତ କର୍ମଚାରୀ ସ୍ବାଗତ ଜଣାଇଥିଲେ। ସହରରେ ଅର୍ଦ୍ଧନିର୍ମିତ ପ୍ରକଳ୍ପ ନିର୍ମାଣ କାର୍ଯ୍ୟ ଶୀଘ୍ର ସମ୍ପୂର୍ଣ କରିବା ନିମନ୍ତେ ପ୍ରଥମେ ଚେଷ୍ଟା କରିବେ ବୋଲି ନୂତନ ଇଓ ନିଜ ପ୍ରତିକ୍ରିୟାରେ କହିଛନ୍ତି। ଅନ୍ୟପଟେ ନୂତନ ଇଓ ଦାୟିତ୍ୱ ନେବା ପରେ ସହରର ବିକାଶମୂଳକ କାର୍ଯ୍ୟ ହେବ ବୋଲି ସହରବାସୀ ଆଶାବାଦୀ ଥିବା ଜଣା ପଡିଛି।