ଗଞ୍ଜାମ,୭।୧୧(ବିଦ୍ୟାଧର ସାହୁ): ଗଞ୍ଜାମ ସହର ଓ ଆଖପାଖ ଅଞ୍ଚଳରେ ଥିବା ଲଜ୍ ଓ ରେସିଡେନ୍ସିଗୁଡିକରେ ଗଞ୍ଜାମ ପୋଲିସର ଚଢ଼ାଉ ଜାରି ରହିଛି l ପୋଲିସର ଅଚାନକ ଚଢ଼ାଉକୁ ବିଭିନ୍ନ ମହଲରୁ ସ୍ବାଗତ କରାଯାଇଥିଲେ ମଧ୍ୟ ଲଜ୍ମାଲିକଙ୍କ ମଧ୍ୟରେ ଛନକା ପଶି ଯାଇଛି।
ଗତକାଲି ପୋଲିସ ତ୍ରିବେଣୀ ମଠ ଛକସ୍ଥିତ ରେସିଡେନ୍ସି ଓ ରାଜପଥ ପାଶ୍ୱର୍ର୍ରେ ଥିବା ଲଜ୍ରେ ଅତର୍କିତ ଚଢ଼ାଉ କରି କାଗଜପତ୍ର ଓ ରେଜିଷ୍ଟର ଯାଞ୍ଚ କରିଥିଲା। ଚଢ଼ାଉ ବେଳେ ଲଜ୍ ମାଲିକମାନେ ଅନୁପସ୍ଥିତ ଯୋଗୁ ବିଭିନ୍ନ କାଗଜପତ୍ର ଥାନାରେ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ଆଇଆଇସି ସୁମିତ୍ରା ପାତ୍ର l
ସୂଚନାଯୋଗ୍ୟ, ଗତ ମାସ ୧୬ରେ ତ୍ରିବେଣୀ ମଠ ଛକ ସ୍ଥିତ ଏକ ରେସିଡେନ୍ସର ଭଡା ଘରୁ ଜଣେ ବିହାରୀ ଯୁବକଙ୍କ ସନ୍ଦେହ ଜନକ ଭବେ ମୃତଦେହ ଜବତ କରାଯାଇଥିଲା l ମୃତକଙ୍କ ପରିବାର ଲୋକେ ହତ୍ୟା ଅଭିଯୋଗ ଆଣିଥିଲେ l ଉକ୍ତ ଘଟଣାର ପୋଲିସ ଛାନଭିନ୍ନ ଜାରି ରଖିଛି l